N/A
N/A
ހަބަރު 30 Jun 2020 | 00:12

ލައިގެން ހުންނަ ހެދުމާއި ޒިޔާރަތްކުރާ މާހައުލުގެ ސަބަބުން ރޭޕަށް ހުށައެޅޭނެކަމަށް ދެކެވިގެން ނުވާނެ: ހައިތަމް

އަންހެނަކު ލައިގެން ހުންނަ ހެދުމާއި ޒިޔާރަތްކުރާ މާހައުލަކީ ޖިންސީ ގޯނާއަށް ހުށައެޅެން ޖެހޭ ސަބަބެއްކަމަށް ދެކެވިގެން ނުވާނެކަމަށް ރައްޔިތުންގެ މަޖިލީހުގެ މައްޗަންގޯޅި ދެކުނު ދާއިރާގެ މެންބަރު އަހުމަދު ހައިތަމް ވިދާޅުވެއްޖެއެވެ.

އެބޭފުޅާ މިފަދައިން ވިދާޅުވީ ފަހަކަށް އައިސް ދިވެހި މުޖުތަމަޢުގައި ތަކުރާރުކޮށް އަންހެނުންނާއި ކުޑަ ކުދިން ތަޙައްމަލު ކުރަމުންދާ ޖިންސީ އަދި އެހެނިހެންވެސް އަނިޔާތަކާއި މެދު ކަންބޮޑުވުން ފާޅުކުރައްވާ ނެރުއްވި ބަޔާނެއްގައެވެ.

މެންބަރު ހައިތަމް ވިދާޅުވީ މިފަދަ ކަންކަން ހުއްޓުވާ ޤާނޫނު ތަންފީޒު ކުރާ އެކިއެކި މުއައްސަސާތަކުން މިފަދަ ކުށްތަކާއި މެދު ގެންގުޅޭ ހަމަތަކާއި އުސޫލުތަކާއި މެދުގައި އާންމުންގެ ކަންބޮޑުވުންތައްވެސް ހުރިކަން ފާހަގަކުރައްވާ ކަމަށާއި، އޭގެ ސަބަބުން އާންމުންގެ ފަރާތުން މުއައްސަސާތަކަށް ކުރާ އިތުބާރަށް ގެއްލުންވުމުގެ ފުރުސަތު އެބައޮތްކަމަށެވެ. ހައިތަމް ވިދާޅުވީ އިޖްތިމާޢީ އަޚްލާޤިއްޔަތުން އެކަހެރިވެ، މިފަދަ ލާއިންސާނީ ކުށް ކުރަމުންދާ ކުށްވެރިންގެ މައްސަލަތައް ވީ އެންމެ އަވަހަކަށް ބަލައިދީ، ކުށްވެރިންނާއި މެދު ހަރުކަށި އަދަބު ދެއްވުމަށް އެދި އެންމެހާ ކަމާއި ގުޅޭ މުއައްސަސާތަކާއި ކަމާއި ގުޅުން ހުރި އެންމެހާ ފަރާތްތަކަށް ގޮވާލާ ކަމަށެވެ

އެބޭފުޅާ ވިދާޅުވީ ޖިންސީ ގޯނާއާއި ފުރައްސާރަކުރުން ބޮޑެތި ކުށްތަކުގެ ގޮތުގައި ކަނޑައެޅުމުގެ އިތުރުން،ޖިންސީ ގޯނާއާއި ފުރައްސާރަ އަދި ރޭޕްގެ ޝިކާރައަކަށްވާ މީހާގެ އަބުރު ކަތިލާ، އެލާއިންސާނީ އަމަލުގެ ވޭން ތަހައްމަލު ކުރަމުންދާ މީހާ ކުށްވެރިކުރުން ނުވަތަ "ވިކްޓިމް ބްލޭމިންގ"އަކީވެސް ޤާނޫނުން އަދަބު ލިބޭ ކުށެއް ކަމުގައި ކަނޑައެޅުމަކީ، އަނިޔާ ލިބުނު މީހާގެ ޙައްޤުތަކާއި ކަރާމާތް ރައްކާތެރި ކުރުމަށްޓަކައި ބޭނުން ޖެހިފައިވާ ކަމެއްކަމަށް އެއްބަސްވެ ވަޑައިގަންނަވާ ކަމަށެވެ.

އަދި އަޅައިގެން ހުންނަ ހެދުމަކުުން ނުވަތަ ޒިޔާރަތް ކުރާ މާހައުލަކުން ނުވަތަ އެހެނިހެން އެއްވެސް ކަމަކުންވެސް، އެއީ ރޭޕް ނުވަތަ ޖިންސިީ ގޯނާއާއި ފުރައްސާރައަށް ހުށަހެޅެން ޖެހޭ ސަބަބެއް ނޫންކަމަށް ހައިތަމް ވަނީ ފާހަގަކުރައްވާފައެވެ.

މިގޮތަށް ކުށުގެ ޝިކާރައަށްވާ މީހާ ކުށްވެރިކުރުމުން، ކުށްވެރިންނަށް ކުށް ކުރުމަށް އިތުރު ހިތްްވަރެއް ލިބި، ކުށްތައް އިތުރު ވެގެންދާނެކަމަށް އެބޭފުޅާ ވިދާޅުވިއެވެ. މިއީ ތަހުޒީބީ މުޖުތަމައުއެއްގައި ބަލައިގަނެވޭނެ ކަމެއް ނޫންކަމަށާއި، އޭގެ ބަދަލުގައި އެންމެންވެސް އަނިޔާ ލިބުނު ފަރާތާއި މެދު ހަމްދަރުދީ އިސްކޮށް، ކުށްވެރިޔާ ކުށްވެރިކުރުމުގައި ފަސްޖެހިގެން ނުވާނެކަމަށް ހައިތަމް ވިދާޅުވިއެވެ.

ހައިތަމް ވަނީ ފާއިތުވެ ދިޔަ ހަފްތާގައި "ފޯސްޓަރ ސިސްޓަމް އިން މޯލްޑިވްސް ވިތު އިމީޑިއޭޓް އިފެކްޓް"، އެބޭފުޅާ ރައްޔިތުންގެ މަޖިލީހަށް ޤަރާރެއް ހުށައެޅުއްވިކަން މި ނޫސް ބަޔާނުގައި ފާހަގަކުރައްވާފައެވެ. ހައިތަމް ވިދާާޅުވީ ކުށެއްގެ ޝިކާރައަކަށް ވެފައިވާ އަންހެނަކު އަދި ކުޑަ ކުއްޖަކަށްވެސް އެކަމުގެ ސަބަބުން އިތުރަށް އެއްވެސް ނިކަމެތި ކަމެއް ލިބިގެންނުވާނެ ކަމަށާއި، އެކަމުގެ ސަބަބުން ދުޅަހެޔޮކަމާއި ރައްކާތެރިކަމަކަށް އިތުރު އެއްވެސް ގޮންޖެހުމެެއް އޮވެގެން ނުވާނެކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ހެންވޭރު ގެއެއްގައި ރޯވެއްޖެ
21 Nov 2026 ހަބަރު

ހެންވޭރު ގެއެއްގައި ރޯވެއްޖެ

ރޯވެފައިވަނީ ހެންވޭރު ގެއެއްގައި ކަމަށް ވެސް ބުންޏެވެ.

ގަމު ރީޖަނަލް ހޮސްޕިޓަލް އައިސީޔޫ ރޫމްގެ ސީލިންގެ ބައެއް ވެއްޓިއްޖެ
21 Nov 2026 ހަބަރު

ގަމު ރީޖަނަލް ހޮސްޕިޓަލް އައިސީޔޫ ރޫމްގެ ސީލިންގެ ބައެއް ވެއްޓިއްޖެ

އައިސީޔޫގެ ސީލިންގު ވެއްޓިފައިމިވަނީ އެތަނުން ފެން ލީކްވުމުގެ މައްސަލަތަކެއްވެސް ފެންމަތިވެފައި ވަނިކޮށެވެ. އެގޮތުން ސީލިންގުން ފެން ލީކުވާތާ އަހަރެއްހާދުވަސް ވެފައިވާކަމަށް މައުލޫމާތު ލިބެއެވެ

ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ
21 Nov 2026 ހަބަރު

ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ

މިކަމާ ގުޅިގެން އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައިވަނީ، ހުޅުމާލެ ފޭސް 2 ސަރަހައްދުގައި މިރޭ ވިޔަފާރީގެ އުސޫލުން ހަވާއެރުވުމުގެ ހަރަކާތެއް ބޭއްވުމަށް ނިންމާފައިވާކަމަށެވެ.

ބިއްލޫރިގަނޑުގައި ޖެހި ހިނގި އެކްސިޑެންޓްގައި ސައިކަލް ދުއްވަން އިނީ 18 އަހަރުން ދަށުގެ ކުއްޖެއް
21 Nov 2026 ހަބަރު

ބިއްލޫރިގަނޑުގައި ޖެހި ހިނގި އެކްސިޑެންޓްގައި ސައިކަލް ދުއްވަން އިނީ 18 އަހަރުން ދަށުގެ ކުއްޖެއް

ފުލުހުން ބުނި ގޮތުގައި، އެ ސައިކަލު ދުއްވަން އިނީ 17 އަހަރުގެ އަންހެން ކުއްޖެކެވެ. އަދި އެ ކުއްޖާއަށް އެކިވަރުގެ އަނިޔާތައް ލިބިފައިވީ ނަމަވެސް، ސީރިއަސް އަނިޔާއެއް ލިބިފައެއް ނުވާ ކަމަށެވެ.

ކެރެޓްގެ އަގު ބާޒާރުގައި އުފުލުނަސް އެސްޓީއޯގައި އަގު ހެޔޮ
21 Nov 2026 ހަބަރު

ކެރެޓްގެ އަގު ބާޒާރުގައި އުފުލުނަސް އެސްޓީއޯގައި އަގު ހެޔޮ

މާލޭ ބާޒާރަށް ބަލާއިރު މިވަގުތު ކެރެޓް އެންމެ އަގުހެޔޮކޮށް ވިއްކަނީ އެސްޓީއޯ ސުޕަމާޓުންނެވެ.

ސިއްހަތަށް ނުރައްކާވާ މިންވަރަށް ވައި ނުސާފުވެ ރާއްޖޭގެ އެކިކަންކޮޅަށް ރަތް ސަމާލު
21 Nov 2026 ހަބަރު

ސިއްހަތަށް ނުރައްކާވާ މިންވަރަށް ވައި ނުސާފުވެ ރާއްޖޭގެ އެކިކަންކޮޅަށް ރަތް ސަމާލު

މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާގެ ވެބްސައިޓުން ދައްކާ ގޮތުގައި، ވިލިމާލޭގެ އޭކިއުއައި (ވައިގެ ކޮލިޓީ އިންޑެކްސް) ހުރީ 160 ގައެވެ. މާލެ ސަރަހައްދުގެ އޭކިއުއައި 160 ގައި ހުރިއިރު، ފޮނަދޫގެ އޭކިއުއައި ވެސް ހުރީ ސިއްހަތަށް ނުރައްކާވާ މިންވަރުގައެވެ. އެގޮތުން، ފޮނަދޫގެ އޭކިއުއައި ހުރީ 151 ގައެވެ. އަދި ހަމައެއާއެކު ކުޅުދުއްފުށީގެ އޭކިއުއައި ހުރީ މާލޭ ސަރަހައްދަށްވުރެ ގޯސްކޮށް 168 ގައެވެ.