ކޮވިޑް-19 އަށް 129 މީހަކު ޕޮޒިޓިވްވެއްޖެ
ދިވެހިރާއްޖެއިން ކޮވިޑް-19 އަަށް މިއަދު ޕޮޒިޓިވްވި މީހުންގެ އަަދަދު 129 އަށް އަރައިފިއެވެ.
ހެލްތު ޕްރޮޓެކްޝަން އޭޖެންސީން އާންމުކުރި ތަފާސްހިސާބުތަކުން ދައްކާ ގޮތުގައި މިހާތަނަށް ދިވެހިރާއްޖެއިން ކޮވިޑް-19 އަށް ވަނީ ޖުމްލަ 4898 މީހުން ޕޮޒިޓިވްވެފައެވެ. އެއީ މިއަދު ޕޮޒިޓިވްވި 129 މީހުން ހިމެނިގެންނެވެ.
މިއަދު ޕޮޒިޓިވްވި މީހުންގެ ތެރެއިން ގިނައީ ދިވެހިންނެވެ. އެއީ 93 މީހުންނެވެ. ދެން ޕޮޒިޓިވްވެފައިވަނީ ބަންގްލަދޭޝްގެ 26 މީހުންނާއި، އިންޑިޔާގެ 9 މީހުން އަދި ނޭޕާލްގެ މީހެކެވެ.
މި ބައްޔާއި ގުޅިގެން އެކްޓިވް ކޭސްތަކުގެ ގޮތުގައި މިހާރު ހިމެނިފައިވަނީ 2088 މީހުންނެވެ. އަދި ހޮސްޕިޓަލްގައި ތިބީ 144 މީހުންނެވެ.
ކޮވިޑް-19އިން ރަނގަޅުވެފައިވާ މީހުންގެ އަދަދު ވަނީ 2791 އެވެ.
Advertisement
This content is created and paid for by advertisers and does not involve Voice Journalists