މެލޭޝިއާއަށް ދިޔަ ދިވެއްސަކު ކޮވިޑް-19އަށް ޕޮޒިޓިވްވެއްޖެ
މިމަހުގެ 21ވަނަ ދުވަހުގައި ދިވެހިރާއްޖެއިން މެލޭޝިއާއަށް ދަތުރުކުރި ދިވެއްސަކު ކޮވިޑް-19 އަށް ޕޮޒިޓިވްވެއްޖެއެވެ.
މެލޭޝިއާގައި ހުންނަ ދިވެހިރާއްޖޭގެ ހައިކޮމިޝަނުން މައުލޫމާތުދޭ ގޮތުގައި މިމަހުގެ 21ވަނަ ދުވަހު މެލޭޝިއާއަށް އަދި ދިވެހިންގެ ތެރޭގައި ކޮވިޑް-19އަށް ޕޮޒިޓިވް ކޭސްއެއް ހިމެނިފައިވާކަން އެގައުމުގެ ހެލްތު މިނިސްޓްރީން ވަނީ ދިވެހިރާއްޖޭގެ ހައިކޮމިޝަނަށް އަންގާފައެވެ. އަދި މިކަމުގެ މައުލޫމާތު މިހާރު އެޗްޕީއޭއަށް އަންގާފައިވާނެކަމަށް ހައިކޮމިޝަނުން ވަނީ ބުނެފައެވެ.
މި ކޭސް މެލޭޝިޔާގެ ހެލްތު މިނިސްޓްރީން މިއަދު އާންމުކުރި ތަފާސްހިސާބުތަކުގައި ވަނީ އިމްޕޯޓެޑް ކޭހެއްގެ ގޮތުގައި ހިމަނާފައެވެ.
ފާހަގަކޮށްލެވޭ ގޮތުގައި މިމަހުގެ 21ވަނަ ދުވަހުގައި ވަނީ އޭސް ޓްރެވަލްއިން ޗާޓަރކުރި މޯލްޑިވިއަންގެ ފްލައިޓެއްގައި 50 ދިވެހި ކިޔަވާ ކުދިން މެލޭޝިއާއަށް ދަތުރުކޮށްފައެވެ.
އެކުދިން މިވަގުތު ދަނީ ކަނޑައެޅިފައިވާ އުސޫލުގެ ދަށުން އަމިއްލަ ޚަރަދުގައި މެލޭޝިއާގެ ކުއަލަ ލަންޕޫރު ސަރަހައްދުގައި ހުންނަ ހޮޓަލެއްގައި ކަރަންޓީންގެ މުއްދަތު ފުރިހަމަކުރަމުންނެވެ. އެނގިފައިވާ ގޮތުގައި އެ ދަރިވަރުން މެލޭޝިއާއަށް ޖެއްސުމާއި އެކުގައި ވަނީ ކޮވިޑް-19 ހުރިތޯ ބެލުމަށް ޓެސްޓްކޮށްފައެވެ.
Advertisement
This content is created and paid for by advertisers and does not involve Voice Journalists