ޕްރެންޗް ލީގުގެ ޗެންޕިއަނުން ކަމަށްވާ ޕީއެސްޖީގެ މާލީ ހާލަތާއި ހޭދަކުރުންތައް ތަހުގީގުކުރުމަށް ޔުއޭފާއިން ނިންމައިފިއެވެ. 

ޔުއޭފާއިން މި ނިންމުން ނިންމާފައިވަނީ މިއަހަރުގެ ޖޫން މަހު ޕީއެސްޖީއިން 'ފައިނޭންޝިއަލް ފެއަރ ޕްލޭ ރޫލްސް' ތަކައި ހިލާފުނުވާކަމަށް ނިންމާފައިވަނިކޮށެވެ. އެހެންނަމަވެސް، ޔުއޭފާއިން އިތުރަށް ތަހުގީގުކޮށް ބަލަންޖެހޭ ކަންތައްތަކެއް ހުރިކަމަށް ބުނެ މި މައްސަލަ ވަނީ އަލުން ބަލަން ފަށާފައެވެ.

ޔުއޭފާގެ ފައިނޭންޝިއަލް ފެއަރ ޕްލޭ ރޫލްސް ބުނާގޮތުން ކްލަބުތަކުން ހޭދަ ކުރަންވަނީ އެ ކްލަބަކަށް ލިބޭ އާމްދާނީއަށްވުރެ އިތުރު ނުވާ ގޮތުގެ މަތިންނެވެ.