އެމްއެންޑީއެފްއިން ކައްދޫގައި އަސްކަރީ ތަމްރީނުތަކެއް ބާއްވަނީ
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން އަސްކަރީ އިތުރު ތަމްރީނުތަކެއް ބޭއްވުމަށް ވަނީ ހަމަޖެހިފައެވެ.
އެމްއެންޑިއެފް އިން ނެރެފައިވާ އިއުލާނެއްގައި ބުނެފައިވަނީ އަސްކަރީ އިތުރު ތަމްރީނު ތަކެއް ކުރުމަށް 31 އޮކްޓޯބަރ 2020 އިން ނޮވެމަބަރު މަހުގެ 8 ވަނަ ދުވަހާއި ހަމައަށް ކޮންމެ ދުވަހެއްގެ އިރުއޮއްސި 18:00 އިން 23:59 އަށް ލ.ކައްދޫ ޓްރެއިނިންގ ސެންޓަރުގައި ކުރިއަށް ގެންދިއުމަށް ވަނީ ރޭވިފައެވެ.
މިތަމްރީނުތަކުގައި ބަޑިޖެހުމަަށް ހަމަޖެހިފައިވާތީ، ވައިގެ ސަރަހައްދު ބޭނުންކުރާނެ ގޮތުގެ ތަފްސީލް ތިރީގައި މިވަނީއެވެ.
އެގޮތުން މި ތަމްރީންގައި ބޭނުންކުރާ ހަތިޔާރު/ ޕައިކޯޓެކްނިކްސް ފިސްތޯލަ، ރައިފަލް، މެޝިންގަން އަދި ފްލޭޔާސްއެވެ. އަދި ވައިގެ ސަރަޙައްދު ބޭނުންކުރާނެ އެންމެ ދުރުމިނަކީ 5000 މީޓަރެވެ.
މި ތަމްރީންތަކުގައި ވައިގެ ސަރަޙައްދު ބޭނުންކުރާނެ އެންމެ އުސްމިނަކީ 300 މީޓަރެވެ. ވައިގެ ސަރަޙައްދު ބޭނުންކުރާނެ އެންމެ ތިރިމިނަކީ ސީ-ލެވެލްއެވެ.
އަދި ވައިގެ ސަރަޙައްދު ބޭނުންކުރާނެ ޑައިރެކްޝަނަކީ ލ. ކައްދޫ ޓްރެއިނިންގ ސެންޓަރުގެ ރޭންޖްއިން އިރު ދެކުނެވެ.
ފޮޓޯ: ވަގުތު
Advertisement
This content is created and paid for by advertisers and does not involve Voice Journalists