މަރުގެ ހުކުމާމެދު ފޮރިން މިނިސްޓްރީން ކުރި ޓުވީޓު ޑިލީޓް ކޮށްލައިފި

27 Nov 2018 | 21:59

މިއަދު ދިވެހިރާއްޖޭގައި މަރުގެ ހުކުމް ތަންފީޒުނުކުރުމަށް ނިންމާފައިވާކަމަށް ރައީސް އޮފީހުގެ މިނިސްޓަރ އަހުމަދު ނަސީމް ވިދާޅިތާ މާގިނަ އިރުތަކެއް ނުވެ ފޮރިން މިނިސްޓްރީން ކުރެއްވި ޓުވީޓު ޑިލީޓު ކޮށްލައިފިއެވެ.

މި ޓުވީޓު ޑިލީޓުކޮށްފައިވަނީ ސަރުކާރުގެ މި ނިންމުމަށް ސަރުކާރު ކޯލިޝަން ބައިވެރިންގެ ފަރާތުންވެސް ވަރަށް ބޮޑެތި ފާޑުކިޔުންތަކެއް ކުރިމަތިކޮށްފައިވާ ދަނޑިވަޅެއްގައެވެ.

ޑިލީޓް ކޮށްލާފައިވާ ޓުވީޓު

ފޮރިން މިނިސްޓްރީގެ ޓުވީޓުގައި ވަނީ ފާއިތުވެދިޔަ 65 އަހަރެކޭ އެއްފަދައިން މަރުގެ ހުކުމް ތަންފީޒުނުކުރާ ގައުމެއްގެ ގޮތުގައި ރާއްޖެ އޮންނާނެކަމަށާއި، އދ.ގެ ޖެނެރަލް އެސެމްބްލީގައި މަރުގެ ހުކުމް ތަންފީޒުކުރުމާއި ދެކޮޅަށް ފާސްކުރާ ގަރާރަށް ނަގާވޯޓުގައި ރާއްޖެއިން ބައިވެެރިވާނެކަމަށްވެސް ވަނީ ފާހަގަކޮށްފައެވެ.



Advertisement

ކޮމެންޓް