ޓިއުޝަން ކްލާސްތަކާ ގުރުއާން ކްލާސްތައް ހިންގުމުގެ ހުއްދަދީފި
ގިނަ މަސްތަކެއްގެ މެދުކެނޑުމަކަށްފަހު، ޓިއުޝަން ކްލާސްތަކާއި ގުރުއާން ކްލާސްތައް އަލުން ހިންގުމުގެ ހުއްދަދީފިއެވެ.
އެޑިއުކޭޝަން މިނިސްޓްރީން ބުނީ އެޗްޕީއޭއިން ކަނޑައަޅާފައިވާ މިންގަނޑުތަކާ އެއްގޮތަށް ޓިއުޝަން ކްލާސްތަކާ ގުރުއާން ކްލާސްތައް ހިންގުމުގެ ހުއްދަ އެފަރާތްތަކުން ދީފައިވާ ކަމަށެވެ. އެހެންކަމުން އެޑިއުކޭޝަން މިނިސްޓްރީގައި ރަޖިސްޓަރކޮށްފައިވާ ޓިއުޝަން އަދި ގުރުއާން ކްލާސްތައް މިއަދުން ފެށިގެން ހުޅުވައިގެން ޚިދުމަތް ދިނުން އެންމެ ރަނގަޅުކަމަށް ވަނީ ބުނެފައެވެ.
މިތަންތަން ހިންގަންވާނީ ކޮވިޑް-19އިން ރައްކާތެރިވުމަށް އެކުލަވާލާފައިވާ އެންމެހާ އުސޫލުތަކަށް ފެތޭނެގޮތަށް، ދަރިވަރުންގެ ރައްކާތެރިކަން ކަށަވަރުކުރުމަށް ފަހުގައިކަމަށް އެ މިނިސްޓްރީން ވަނީ ފާހަގަކޮށްފައެވެ.
ގިނަ މަސްތަކެއްގެ މެދުކެނޑުމަކަށްފަހު، ދާދިފަހުން މާލޭ ސަރަހައްދުގެ ސްކޫލްތައްވެސް ވަނީ ހުރިހާ ގްރޭޑްތަކަކަށް ހުޅުވާލާފައެވެ. މި ސްކޫލްތައް ހުޅުވާލެވިފައިވަނީ ރައްކާތެރިކަމުގެ ގޮތުން ގިނަ ފިޔަވަޅުތަކެއް އެޅިގެންކަމަށް އެޑިއުކޭޝަން މިނިސްޓްރީން މައުލޫމާތުދެއެވެ.
ފޮޓޯ: ކުޅުދުއްފުށި އޮންލަައިން
Advertisement
This content is created and paid for by advertisers and does not involve Voice Journalists