މާލޭގައި ގާއިމުކޮށްފައިވާ އެފްއެސްއެމްގެ ފިއުލް ޝެޑްތައް ހުޅުވާފައި ހުންނަ ގަޑިތައް ބަދަލުކޮށްފި
މާލޭ ސިޓީގައި ފިއުލް ސަޕްލައި މޯލްޑިވްސް (އެފްއެސްއެމް)ގެ ފިއުލް ޝެޑްތައް އޮޕަރޭޓްކުރާ ގަޑިތައް ބަދަލުކޮށްފިއެވެ.
އެގޮތުން މިއަދުން ފެށިގެން މާލޭ ސިޓީގައި ހުންނަ އެފްއެސްއެމްގެ ފިއުލް ޝެޑްތައް ހުޅުވާފައި ހުންނާނެ ވަގުތުތަަކަކީ ހުކުރުދުވަސް ފިޔަވައި ކޮންމެ ދުވަހެއްގެ ހެނދުނު 08:00 އިން އިރުއޮއްސި 18:00 ޖަހަންދެނެވެ. ހުކުރު ދުވަހުގައި މިތަންތަން ހުޅުވާފައި ހުންނާނީ މެންދުރުފަހު 14:00އިން ފެށިގެން އިރުއޮއްސި 18:00 ޖަހަންދެނެވެ.
ނަމަވެސް މިވަގުތުތަކުގެ ބޭރުން، ހުއްދަ އޮތް ފަރާތްތަކަށް ޚިދުމަތް ދިނުމަށްޓަކައި މާލޭގައި ސްޓެލްކޯ ބިއްދޮށުގައި ހުންނަ އެފްއެސްއެމް އީޒީފިލް1 އަދި ހުޅުމާލޭގައި ހުންނަ އީޒީފިލް3 ހުޅުވިފައި ހުންނާނެއެވެ. މިތަންތަނުން ޚިދުމަތްދޭނީ 18:00 އިން ފެށިގެން ރޭގަނޑު 23:00 ޖަހަންދެނެވެ.
މީގެ އިތުރުން އެފްއެސްއެމްގެ ތިލަފުށި ސޭލްސް ޕޮއިންޓް ހުޅުވިފައި ހުންނަ ވަގުތުތަކަށް ވަނީ ބަދަލުތަކެއް ގެނެސްފައެވެ.
މިފަދައިން ޚިދުމަތްދެމުންދާއިރު، ކޮންމެ ނަމާދު ވަގުތަކާއި ގުޅިގެން އެފްއެސްއެމްގެ ފިއުލް ޝެޑްތަކުގެ ޚިދުމަތް 25 މިނެޓަށް މެދުކަނޑާލެވޭނެކަމަށް ވަނީ ބުނެފައެވެ.
ފޮޓޯ: ސަން
Advertisement
This content is created and paid for by advertisers and does not involve Voice Journalists