ޔޫރަޕްގެ ފުޓްބޯޅައިގެ ޢީދަށް ތައްޔާރުތަ؟
ޔޫރަޕްގެ ޤައުމީޓީމުތަކުގެ މެދުގައި ކުޅެވޭ ޔޫއެފާ ޔޫރޯ 2020 ވަނަ މުބާރާތް މިއަހަރުގެ ޖޫން 11 ވަނަ ދުވަހު ފަށާނެއެވެ. ކޮންމެ ހަތަރު އަހަރަކުން އެއްއަހަރު ޔޫއެފާއިން ބާއްވަމުން އަންނަ މިމުބާރާތް ވޭތުވެދިޔަ 2020 ވަނަ އަހަރު ބޭއްވިފައި ނުވަނީ ކޮވިޑް-19 އާއި ގުޅިގެންނެވެ.
ކުރިން ބޭއްވިދިޔަ މުބާރާތްތަކާއި ޚިލާފަށް މިއަހަރު ޔޫރޯގެ ގުރޫޕް ސްޓޭޖުތަކުގެ މެޗުތައް ކުޅުމަށް ހަމަޖެހިފައި ވަނީ ގުރޫޕްގައި ހިމެނޭ ކޮންމެވެސް އެއް ޤައުމެއް ނުވަތަ ދެ ޤައުމެއްގައެވެ.
މުބާރާތަށް ޓީމުތައް ގުރޫޕް ކުރެވިފައިވާ ގޮތް:
ގުރޫޕް އޭ: ތުރުކީ، އިޓަލީ، ވޭލްސް އަދި ސްވިޒަރލޭންޑް. މިގުރޫޕްގެ މެޗުތައް ކުޅެން ހަމަޖެހިފައިވަނީ އިޓަލީގައެވެ.
ގުރޫޕް ބީ: ޑެންމާކް، ފިންލޭންޑް، ބެލްޖިއަމް އަދި ރަޝިއާ. މިގުރޫޕްގެ މެޗުތައް ކުޅެން ހަމަޖެހިފައިވަނީ ޑެންމާކާއި ރަޝިއާގައެވެ.
ގުރޫޕް ސީ: ނެދަރލޭންޑްސް، ޔުކްރޭން، އޮސްޓްރިއާ އަދި ނޯތު މެސެޑޯނިއާ. މިގުރޫޕްގެ މެޗުތައް ކުޅެން ހަމަޖެހިފައިވަނީ ނެދަރލޭންޑްސްގައެވެ.
ގުރޫޕް ޑީ: އިންގްލޭންޑް، ކްރޮއޭޝިއާ، ސްކޮޓްލޭންޑް އަދި ޗެކް ރިޕަބްލިކް. މިގުރޫޕްގެ މެޗުތައް ކުޅެން ހަމަޖެހިފައިވަނީ އިންގްލޭންޑާއި ސްކޮޓްލޭންޑްގައެވެ.
ގުރޫޕް އީ: ސްޕެއިން، ސްވިޑްން، ޕޮލޭންޑް އަދި ސްލޮވާކިއާ. މިގުރޫޕްގެ މެޗުތައް ކުޅެން ހަމަޖެހިފައިވަނީ ސްޕެއިންގައެވެ.
ގުރޫޕް އެފް: ހަންގޭރީ، ޕޯޗުގަލް، ފުރާންސް އަދި ޖާރމަނީ. މިގުރޫޕްގެ މެޗުތައް ކުޅެން ހަމަޖެހިފައިވަނީ ހަންގޭރީ އަދި ޖަރުމަނުގައެވެ.
މުބާރާތުގެ ތާރީޚުތައް:
* މިމުބާރާތުގެ ގުރޫޕް ސްޓޭޖުގެ މެޗުތައް ކުޅުމަށް ހަމަޖެހިފައިވަނީ ޖޫން މަހުގެ 11 ވަނަ ދުވަހުން ފެށިގެން ޖޫން މަހުގެ 23 ވަނަ ދުވަހުގެ ނިޔަލަށެވެ.
* ނޮކްއައުޓް ފޭސްގެ މެޗުތައް އޮންނާނީ ޖޫން 26 ން ޖޫން 29 އަށެވެ.
* ކުއާޓަރ-ފައިނަލްގެ މެޗުތައް އޮންނާނީ ޖުލައި 2 ން 3 ގެ ނިޔަލަށެވެ.
* ސެމީ-ފައިނަލްގެ މެޗުތައް އޮންނާނީ ޖުލައި 6 ން 7 ގެ ނިޔަލަށެވެ.
* މުބާރާތުގެ ފައިނަލް މެޗު އޮންނާނީ ޖުލައި 11 ވަނަ ދުވަހު އިނގިރޭސިވިލާތުގެ ލަންޑަނުގައެވެ.
މިމުބާރާތުގެ އެންމެފަހުގެ ޗެމްޕިއަނަކީ ޕޯޗުގަލްއެވެ. 2016 ވަނަ އަހަރު ބޭއްވުނު އެމުބާރާތް ޕޯޗުގަލް ކާމިޔާބު ކޮށްފައިވަނީ ފައިނަލްގައި ފްރާންސް ބަލިކޮށްފައެވެ.
Advertisement
This content is created and paid for by advertisers and does not involve Voice Journalists