އެމްޑީޕީ ބައިބައި ވުމާއި ގުޅޭގޮތުން، ރައްޔިތުންގެ މަޖިލީހުގެ މެންބަރު އަދި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ޗެއަރޕާސަން ޙަސަން ލަޠީފުގެ އުދާސްތައް މީސްމީޑިއާގައި ބޭރުކޮށްލެއްވުމާއި ގުޅިގެން، ދުވާފަރު ދާއިރާގެ މެމްބަރު އިސްމާޢީލް އަޙްމަދަށް ޝޮކެއް ލިބިވަޑައިގެން އެކަމުގެ ކަންބޮޑުވުން ފާޅު ކުރައްވައިފިއެވެ.

އެމްޑީޕީ ބައިބައިވެފައިވާ ކަމަށް ދެކެވޭގޮތަށް ޙަސަން ލަޠީފު ޓްވިޓާގައި ދެއްކެވި ވާހަކަފުޅަށް ރައްދު ދެއްވަމުން، އެމްޑީޕީގެ މަޖިލިސް މެންބަރު އިސްމާޢީލް އަޙްމަދު ވިދާޅުވީ، ހިތާމައިގެ ކޮޅެއްވެސް ނެތް ކަމަށެވެ.

އިއްސެ ވިދާޅުވީ، އެ ހާލަތަށް އުދާސްތައް އުފެދިފައިވާކަން އާންމުކޮށް ތި ހާމަ ކުރެއްވީ، އިންތިޒާމުކޮށް ސިޔާސީ ހަރަކާތް ހިންގާކަމަށް ވަކާލާތުކުރާ އެމްޑީޕީގެ އެންމެ މުހިންމު ގުނަންތަކަށް ހިއްސާ ކުރުމެއް މަޝްވަރާ ކުރުމެއް ނެތި ކަމަށެވެ. އަދި ހުރިހާ ދެރައެއް އޮތީ އާންމު ރައްޔިތުންނަށް ކަމަށް ވިދާޅުވެފައިވެއެވެ.

ޙަސަން ލަޠީފް މިއަދު ޓްވިޓާގައި ވިދާޅުވީ، މަސައްކަތް ދެބައިވީ، އެމްޑީޕީން ވަޢުދުވި ކަންކަން ކުރަން ސަރުކާރު ބޭނުން ނުވީމަ ކަމަށެވެ. އަދި އެމްއެމްޕީއާރްސީއާއި ކޮރަޕްޝަންގެ މައްސަލަތައް ބަލަން ސަރުކާރުން ފޫކަހަން ފެށީމަ ކަމަށާއި އަދި ސަރުކާރާއި ޕާޓީގެ ގުޅުން ހީނަރު ކޮށްލީމަ ކަމަށެވެ.

ޙަސަން ލަޠީފް އިތުރަށް ވިދާޅުވީ، ޕާޓީ ދެބައިވީ، ޖުމުލަކޮށް ރައީސް ނަޝީދާއި ޕާޓީ އެކަހެރިކޮށް ސަރުކާރު ހިންގަން އުޅުމުން ކަމަށެވެ.

ހަސަން ލަޠީފު މިހެން ވިދާޅުވެފައިވާއިރު، އުނގޫފާރު ދާއިރާގެ މެމްބަރު މުޙައްމަދު ވަޙީދުވެސް ވަނީ ބިގޭއަށް ފާޑުކިޔާފައެވެ.

މުޙައްމަދު ވަޙީދު ވިދާޅުވެފައިވަނީ، މިހާރުވެސް މިފެންނަނީ ރައީސް ނަޝީދުގެ ފުރާނައިގެ އަގަށްވުރެ، ޅިޔަނުންގެ އަބުރުފުޅުގެ އަގު މަތި ކުރާން އުޅޭ ތަން ކަމަށެވެ.

އަދި ބޮމުގެ މައްސަލައިގައިވެސް ފެންނަނީ އެ މައްސަލަ ނުބަލާން ދައްކާ ކޮންމެ ބަހަނާއެއް ދިފާޢު ކުރާން އުޅޭ ތަން ކަމަށެވެ.

ސަރުކާރާއި އެމްޑީޕީގެ ކޯޅުން ބޮޑުވެ، އެމްޑީޕީގެ މެންބަރުންގެ މެދުގައިވަނީ ބައިބައިވުން އުފެދިފައެވެ. އެގޮތުން، ރައީސް ޞާލިޙަށްވެސް ބަހުގެ ހަމަލާތައް ދަނީ ރައްދު ކުރަމުންނެވެ.