Jalugai huri khaassa ehee ah beynunvaa meehaku niyaa vejje

ޖަލުގައި ހުރި ޚާއްސަ އެހީއަށް ބޭނުންވާ މީހަކު ނިޔާވެއްޖެ

07 Feb 2019 | 22:29

ކ.ހިންމަފުށީގައި ހުންނަ އައްސޭރި ޖަލުގައި ހުކުމް ތަންފީޒުކުރަމުންދިޔަ ޚާއްސައެހީއަށް ބޭނުންވާ މީހަކު ނިޔާވެއްޖެއެވެ.

ވޮއިސްއަށް އެނގިފައިވާ ގޮތުގައި މިއަދު ހަވީރުގެ ވަގުތެއްގައި ނިޔާވެފައިވަނީ އުމުރުން 34 އަހަރުގެ ގަޒްލީ އަބްދުލްޤަފޫރެވެ. ގަޒްލީއަކީ ވާހަކަނުދެއްކޭ، އިވުމުގެ ހިއްސުން މަހުރޫމްވެފައިވާ ޚާއްސަ އެހީއަށް ބޭނުންވާ ފަރާތެކެވެ.

މީޑިޔާތަކަށް މައުލޫމާތު ދެއްވަމުން ކަރެކްޝަންސް އިން ބުނީ މި ގައިދީ ނިޔާވެފައި ވަނީ ފުޓްބޯޅަ ކުޅެން ހުއްޓާ ކުއްލި ގޮތަކަށް ކަމަށެވެ.

މި ހާދިސާގެ މައުލޫމާތުތައް ފުލުހުންނާއި އެޗްއާރްސީއެމްއަށް ހިއްސާކުރެވިފައިވާނެކަމަށް ކަރެކްޝަންސްއިން މައުލޫމާތުދެއެވެ. މި ހާދިސާދަނީ ކަމާއިބެހޭ ފަރާތްތަކުން ތަހުގީގުކުރަމުންނެވެ.

ފާއިތުވި ދެއަހަރުން ފެށިގެން ޖަލުގައި ތިބޭ ގައިދީން މަރުވާ މިންވަރުވަނީ އިތުރުވެފައެވެ.