އެންޓި ކޮރަޕްޝަން ކޮމިޝަންގެ މެންބަރުން، ރައްޔިތުންގެ މަޖިލީހުގެ މާލިއްޔަތު ކޮމެޓީއަށް ހާޒިރުވުމަށް އަންގައިފިއެވެ.

އެފަރާތްތައް މަޖިލީހަށް ހާޒިރުކުރަނީ އެމްއެމްޕީއާރުސީގެ މެދުވެރިކޮށް 1.3 ބިލިއަން ރުފިޔާގެ ހިޔާނާތާއި ގުޅިގެން އޭސީސީން ނެރުނު ތަހުގީގު ރިޕޯޓުގައި ހިމެނޭ ބައެއް ކަންކަން ސާފުކުރުމަށެވެ.

މިއަދު 11:15 ގައި މާލިއްޔަތު ކޮމިޓީ އަށް ހާޒިރުވުމަށް ކޮމިޝަންގެ މެމްބަރުންނަށް މާލިއްޔަތު ކޮމިޓީން ވަނީ ސިޓީއެއް ފޮނުވާފައެވެ.

މާލިއްޔަތު ކޮމެޓީން އެދިފައިވަނީ ރިޕޯޓުގައި ފާހަގަ ކުރި ކަންތައްތަކާ ގުޅޭ ޕްރެޒެންޓޭޝަނެއް ދެއްވުމަށެވެ.