މިއަދު މެންދުރު ބާރަ ޖަހާއިރު ނޫސްވެރިންގެ ބައްދަލުވުމެއް!
މިއަދު މެންދުރު 12:30ގައި ނޫސްވެރިންގެ ބައްދަލުވުމެއް ކުއްލިގޮތަކަށް ބޭއްވުމަށް ނިންމައިފިއެވެ.
މި ނޫސްވެރިންގެ ބައްދަލުވުމުގައި ބައިވެރިވާނީ ހެލްތު މިނިސްޓަރ އަބްދުﷲ އަމީނާއި ނޭޝަނަލް އިމަރޖެންސީ އޮޕަރޭޝަންސް ސެންޓަރުގެ ފަރާތުން ޑރ.އަލީ ލަތީފެވެ.
ކުރިން 12 ޖަހާއިރު ބޭއްވުމަށް ނިންމާފައިވާ ބައްދަލުވުން 12:30 ލަސްކޮށްފައިވަނީ މެންދުރު ނަމާދު ވަގުތައް ތަންދިނުމުގެ ކަމުންނެވެ.
ފާހަގަކޮށްލެވޭ ގޮތުގައި މިއަދު މާލެއިން ދިވެއްސަކު ވަނީ ކޮވިޑް-19 އަށް ޕޮޒިޓިވްވެފައެވެ.
އެޗްޕީއޭއިން ކުރި ޓްވީޓެއްގައި ބުނީ މާލެ ފުލޫ ކްލިނިކަށް ދައްކަން ދިޔަ ދިވެއްސެއް ކޮވިޑް-19 އަށް ޕޮޒިޓިވްވެފައިވާ ކަމަށެވެ. މިއީ މާލެއިން ފެނުނު ފުރަތަމަ ޕޮޒިޓިވްވި މީހާކަމަށް ވަނީ ބުނެފައެވެ.
އަދި މިއީ ދިވެހިންގެ ތެރެއިން މި ބައްޔަށް ޕޮޒިޓިވްވި 6 ވަނަ މީހާއެވެ،
މީނާ އައިސޮލޭޝަން ފެސިލިޓީއަށް ގެންދިއުމަށް މިހާރު ދަނީ މަސައްކަތް ކުރެވެމުންނެވެ.
Advertisement
This content is created and paid for by advertisers and does not involve Voice Journalists