މިއަދު އެކަނިވެސް ދިވެހިރާއްޖެއިން 101 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

ނޭޝަނަލް އިމަރޖެންސީ އޮޕަރޭޝަންސް ސެންޓަރުގެ ފަރާތުން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ތަރުޖަމާނު މަބްރޫކް އަޒީޒް ވިދާޅުވީ ރޭ 00:00 އިން ފެށިގެން މިއަދު އިރުއޮއްސި ހައެއް ޖެހުމާއި ހަމައަށް މި ބައްޔަށް އިތުރު 101 މީހަކު ޕޮޒިޓިވްވެފައިވާ ކަމަށެވެ.

އެހެންކަމުން މިބައްޔަށް ބޭސްކުރެވެމުންދާ މީހުންގެ އަދަދު މިހާރު ވަނީ 1313 އަށް އަރާފައެވެ. މި ބަލިން ޖުމްލަ 453 މީހުން ވަނީ ރަނގަޅުވެފައެވެ.