ރައީސްގެ ތަސައްވަރުގެ ކުލަ ޖެއްސޭނީ ބައި-އިލެކްޝަން ކާމިޔާބުކޮށްގެން: އަބްދުއްރަހީމް

ރައީސުލްޖުމްހޫރިއްޔާ ޑރ މުހައްމަދު މާލެއާ މެދު ގެންގުޅުއްވާ ތަސައްވަރުގައި ހަގީގީ ކުލަ ޖެއްސޭނީ މިމަހުގެ 13 ވަނަ ދުވަހު ބާއްވާ މާލެ ސިޓީ ކައުންސިލްގެ ބައި-އިލެކްޝަން ސަރުކާރު ހިންގާ ޕީޕީއެމް/ޕީއެންސީ އަށް ލިބިގެން ކަމަށް ރައީސްގެ ހާއްސަ އެޑްވައިޒަރު އަބްދުއްރަހީމް އަބްދުالله ވިދާޅުވެއްޖެއެވެ.

އަބްދުރަހީމް މިފަދައިން ވިދާޅުވީ، މާލެ ސިޓީ މޭޔަރުގެ ބައި އިލެކްޝަންގައި ސަރުކާރު ކޯލިޝަންގެ ފަރާތުން ވާދަކުރައްވާ އަލްއުސްތާޒާ އައިޝަތު އަޒިމާ ޝުކޫރު އަދި ކައުންސިލްގެ އެހެނިހެން ގޮނޑިތަކަށް ވާދަކުރައްވާ އިތުރު މެމްބަރުންގެ ކެމްޕެއިންގައި ރޭ ބޭއްވި ޖަލްސާއެއްގައި ވާހަކަ ދައްކަވަމުން އަބްދުއްރަހީމް ވިދާޅުވީ، މާލޭގެ ރައްޔިތުންނަކީ މާލެ ދެކެ ލޯބިވާ, މާލެ އަކީ ތަރައްގީވެފައިވާ ސިޓީއެއްގެ ގޮތައި ހަދަން ބޭނުންވާ ބަޔަކަށްވާން ޖެހޭ ކަމަށެވެ.

އެގޮތުން، މާލެ ރައްޔިތުންނަކީ އަމިއްލަ ފުދުންތެރިކަމަށް އިސްކަންދޭން ޖެހޭ ބަޔަކަށް ވާންޖެހޭކަން ފާހަގަކުރައްވައި އަބްދުއްރަހީމް ވިދާޅުވީ އެކަންކަން ކުރެވެން ފަސޭހަ މަގު އޮއްވައި އެކަން ދޫކޮށްލުމަކީ މާލޭގެ ރައްޔިތުން ކޮށްގެންވާނެ ކަމެއް ކަަމަށް ގަބޫލުނުކުރައްވާ ކަމަށެވެ.

މީގެ އިތުރުން އަބްދުރަހީމް ވިދާޅުވީ، ނިމިދިޔަ އެމްޑީޕީގެ ވެރިކަމުގައި ސިޓީ ކައުންސިލްގެ މެޖޯރިޓީ އޭރު އިދިކޮޅުގައި ގޮތް ޕީޕީއެމް/ޕީއެންސީ އަށް ދިނީ، މާލޭގެ ރައްޔިތުން ބޭނުންވި ކުރިއެރުމާއި ތަރައްގީ ގެނެސްދެވިފައިނުވާތީ ކަމަށެވެ. އެކަމުގެ ސަބަބެއްގެ ގޮތުގައި އެ ބޭފުޅުން ފާހަގަކުރެއްވީ މާލޭގެ ރައްޔިތުންގެ ބޭނުންތަކަކީ ކޮބައިކަން އެމްޑީޕީއަށް ނޭނގުން ނުވަތަ މާލޭ ރައްޔިތުންނަކީ ބޭކަރު ބައެއް ކަމަށް އެމްޑީޕީން ހެދުން ކަމުގައެވެ.

ވުމާއެކު ޕީޕީއެމް/ޕީއެންސީ އަށް މާލޭގެ މެޖޯރިޓީ ލިބުމުން މާލޭ ރައްޔިތުންނަށް ފެނިގެން ދިޔައީ ތަފާތު ސިޓީ ކައުންސިލެއް ކަމަށާއި، ރައްޔިތުންގެ ވިންދާ އިހުސާސް އެނގިތިބެ މަސައްކަތްކުރާ ސިޓ ކައުންސިލަރުންތަކެއް ކަމަށް އަބްދުއްރަހީމް ވިދާޅުވިއެވެ.

އަދި ރައީސް ޑރ މުހައްމަދު މުއިއްޒު މާލޭގެ މޭޔަރު ކަމުގައި ހުންނެވި އިރު ގިނަގުނަ މަސައްކަތްތަކެއް މާލޭގެ ރައްޔިތުންނަށްޓަކައި ކޮށްދެއްވާފައިވާ ކަަމަށްވެސް އެބޭފުޅާ ވިދާޅުވިއެވެ.

ހަމައެކަނި މާލޭގެ ބޭރުން ދުއްވާލީމާވެސް ޑރ މުއިއްޒު މާލެއާ ދޭތެރޭ ގެންގުޅުއްވާ ތަސައްވަރު ފެނިވަޑައިގަންނަވާނެ، ކުޑަކުޑަ މަދީނާއެއް ފެންނަހެން އަޅުގަނޑުމެންނަށް ހީވަނީ

އަބްދުއްރަހީމް އަބްދުالله

ހަމަ އެޔާއެކު ނިމިދިޔަ ރިޔާސީ އިންތިހާބުގައި މާލެ ރައްޔިތުން ޕީޕީއެމް/ޕީއެންސީއަށް މެޖޯރިޓީ ދިނީ އެމްޑީޕީއަށް އެކަށީވެގެންވާ ވަރުގެ ނަތީޖާ ނެރެދެވިފައިނުވާތީ ކަމަށް ވިދާޅުވެ އަބްދުއްރަހީމް ވަނީ މާލޭ ރައްޔިތުން ބޭނުންވީ ކަންކަން ނަތީޖާ ނެރެވޭނެ އިހުލާސްތެރި ވެރިއަކު އިންތިހާބުކުރުން ކަމަށާއި އެ ސިފަތައް ހުންނެވި ބޭފުޅަކީ ރައީސް މުއިއްޒު ކަމުގައި ވިދާޅުވިއެވެ. އަބްދުއްރަހީމް ވިދާޅުވީ ގޮތުގައި މާލޭގެ ރައްޔިތުން ނިންމި ނިންމުމުން އަންގައިދެނީ މާލޭގެ ތަރަައްގީ ރައީސް މުއިއްޒުއާ ގުޅިލާމެހިފައިވާ ކަމުގެ ސާފުހެކި ކަމަށެވެ.

މީގެ އިތުރުންވެސް އެބޭފުޅާ ވިދާޅުވީ، ރައީސް މުއިއްޒު ވެރިކަމަށް ވަޑައިގެންނެވީ މާލެއާ ދޭތެރޭގައި ފޮނި އުއްމީދުތަކަކާއި ރީތީ ތަސައްވަރުއް ކުރައްސަވައިގެން ކަމަށާއި އެ ތަސައްވަރުގެ ކުލަ ޖޭއްސޭނީ މި ސަރުކާރުގެ ކެންޑިޑޭޓުންނަށް ކަމަށެވެ.

އެ ކުލަޖެއްސެވެން އޮތީ މާލޭގެ މޭޔަރާ އެކީގައި ސިޓީ ކައުންސިލްގެ މެޖޯރިޓީ އެމަނިކުފާނުގެ ޕާޓީއަށް ލިބިވަޑައިގެން

އަބްދުއްރަހީމް  އަބްދުالله

މާލޭގެ މުސްތަގުބަލު ބިނާކުރުމަށްޓަކައި ސަރުކާރު ކެންޑިޑޭޓުން އިންތިހާބުކުރުން މުހިއްމު ކަމަށް ވިދާޅުވިއެވެ.