މަސްދަޅުކޭސް ވިއްކުމުގައި ކޮންޓްރޯލެއް ނުގެންގުޅެން: މިފްކޯ
މަސްދަޅުކޭސް ވިއްކުމުގައި ހިފެހެއްޓުމެއް ނުގެންގުޅޭކަމަށް ސަރުކާރުގެ މަސްކުންފުނި މިފްކޯއިން ބުނެފިއެވެ.
ރީޓެއިލް ބައެއް ފިހާރަތަކުން ތެއޮމަސްދަޅު ކޭސް ލިބުން ދަތިވެފައިވާއިރު، މިފްކޯގެ ބައެއް އައުޓްލެޓްތަކުން މަސްދަޅު ވިއްކުން ވަނީ ކޮންޓްރޯލްކޮށްފައެވެ. ވޮއިސްއިން އިއްޔެ ބެލި ބެލުމުން މިފްކޯގެ ބައެއް ފިހާރަތަކުން މަސްދަޅު ބޮޑެތި ކޭސް ހުސްވެފައިވާއިރު، 24 ދަޅުގެ މަސްދަޅުކޭސް ވިއްކަމުން ގެންގޮސްފައިވަނީ މީހަކަށް ކޭހެއްގެ މަގުންނެވެ.
މިކަމާ ގުޅިގެން ވޮއިސްއަށް މައުލޫމާތު ހިއްސާކުރަމުން މިފްކޯގެ އޮފިޝަލަކު ވިދާޅުވީ، މޫސުން ގޯސްވުމުގެ ސަބަބުން މަސްދަޅުކޭސް އެއްތަނުން އަނެއްތަނަށް ގެންދިއުމުގައި ކޮންމެވެސް ވަރެއްގެ ދަތިކަމެއް ކުރިމަތިވިނަމަވެސް މިހާރު އެކަންކަން ހައްލުވެފައިވާކަމަށެވެ. އެގޮތުން މަސްދަޅުކޭސް ލިބުމުގައި މައްސަލައެއް މިހާރު ނޫޅޭނޭކަން އޮފިޝަލް ފާހަގަކުރެއްވިއެވެ.
މިފްކޯގެ ފަސްމީރު އުފެއްދުންތަކުގެ ތެރެއިން ތެއޮ މަސްދަޅަކީ އެންމެ ޑިމާންޑް ބޮޑު އުފެއްދުމެވެ. އެގޮތުން ގޭބިސީތަކާއި ހޮޓާތަކާއި ރެސްޓޯރެންޓްތަކަށް އެންމެ ގިނައިން ގަންނަ އެއް އުފެއްދުމަކީ ތެއޮ މަސްދަޅެވެ. މިދުވަސްވަރަކީ މޫސުންވެސް ގޯސް ދުވަސްވަރެއްކަމަށްވުމާއެކު މަސްދަޅުގެ ޑިމާންޑް ބޮޑުކަމަށް ފިހާރަތަކުން ފާހަގަކުރެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
