ދިވެހި ޖީޕީޓީ: އާޓިފިޝަލް އިންޓެލިޖެންސް މެދުވެރިކޮށް ދިވެހިބަސް އައު ހަރުފަތަކަށް

ޖަވާބު ޕްރައިވެޓް ލިމިޓެޑް އިން ތަޢާރަފުކޮށްފައިވާ ދިވެހި ޖީޕީޓީގެ އައު އަޕްޑޭޓަކީ ދިވެހިބަހުގެ ލިޔުންތެރިކަމުގެ ދާއިރާގައި އިންޤިލާބީ ބަދަލެއް ގެނެސްދޭނެ ކަމެއްކަމަށް ބެލެވެއެވެ.

މި އެޕްލިކޭޝަނަކީ އާޓިފިޝަލް އިންޓެލިޖެންސް ބޭނުންކޮށްގެން ދިވެހިބަހުން ލިޔުމަށް އެހީތެރިވެދޭ ވަސީލަތެކެވެ.

ދިވެހި ޖީޕީޓީ މިހާރު ބިނާވެފައިވަނީ އޯޕަން އޭއައިގެ ޖީޕީޓީ-4އޯ އަދި އެންތްރޮޕިކްގެ ކްލޯޑް 3.5 ސޮނެޓް އޭއައި މޮޑެލްތަކުގެ މައްޗަށެވެ. މި ޓެކްނޮލޮޖީގެ ސަބަބުން ދިވެހިބަހުގެ ޕްރޮސެސިންގ އަދި ޖެނެރޭޝަން ކުރިން ނުދެކޭ މިންވަރަކަށް ރަނގަޅުވެފައިވެއެވެ.

ޖަވާބު އެކަޑެމީއިން ބުނީ، މި އައު އަޕްޑޭޓާއެކު ތަޢާރަފުކޮށްފައިވާ މައިގަނޑު ޚިދުމަތްތަކުގެ ތެރޭގައި ދިވެހިބަހުން ދިރާސާކުރުމާއި މަޢުލޫމާތު ހޯދުން، ލިޔުންތައް އުފެއްދުން، ޚުލާސާކުރުން އަދި ޢިބާރާތްކުރުން އިސްލާޙުކުރުން ކަމަށެވެ. މީގެ އިތުރުން، ކޮންމެ ބަހަކުންވެސް ދިވެހިބަހަށް ތަރުޖަމާކުރުމުގެ ޚިދުމަތްވެސް މި އެޕްލިކޭޝަނުން ފޯރުކޮށްދިމަށް ކަމަށެވެ.

ދިވެހި ޖީޕީޓީ ބޭނުންކޮށްގެން ސިޓީ، މަޒުމޫނު، އެއްބަސްވުން، ތަގުރީރު، ވާހަކަ، ޅެން އަދި ރައިވަރު ފަދަ ތަފާތު ބާވަތްތަކުގެ ލިޔުންތައް އުފެއްދިދާނެއެވެ. އަދި ކުރިއަށް އޮތްތަނުގައި އިތުރު ބާވަތްތަކުގެ ލިޔުންތައްވެސް އުފެއްދޭނެކަމަށް ބުނެފައިވެއެވެ.

ޖަވާބު ޕްރައިވެޓް ލިމިޓެޑްގެ ސީއީއޯ މުޙައްމަދު ޖައިލަމް ވިދާޅުވި ގޮތުގައި، މި އެޕްލިކޭޝަނުގެ މައިގަނޑު މަޤްޞަދަކީ އާޓިފިޝަލް އިންޓެލިޖެންސްގެ ކުރިއެރުންތައް ދިވެހިރާއްޖޭގެ އާންމުންނާ ހަމައަށް ފޯރުކޮށްދިނުމާއި، އޭއައި ދާއިރާގައި ދިވެހިބަސް ކުރިއެރުވުމެވެ.

އަލަށް ރަޖިސްޓްރީވާ ފަރާތްތަކަށް އެޕްލިކޭޝަން ޓެސްޓް ކުރުމަށް ހިލޭ 5 ސުވާލު ކުރުމުގެ ފުރުޞަތު ލިބެއެވެ. އިތުރު ސުވާލުތައް ކުރުމަށް ދުވަހު، ހަފްތާގެ އަދި މަހުގެ އެކި ޕެކޭޖްތައް ގަނެވެން ހުންނާނެ ކަމަށް ޖަވާބުން ބުނެއެވެ.

މި އެޕްލިކޭޝަނަކީ ކިޔަވާ ދަރިވަރުންނަށާއި، ޓީޗަރުންނަށް އަދި އޮފީސް މަސައްކަތްތެރިންނަށް ބޮޑު ފަސޭހައެއް ލިބިގެންދާނެ ވަސީލަތެކެވެ. މިހާރުވެސް 5000 އަށްވުރެ ގިނަ ބޭނުންކުރާ ފަރާތްތައް މި ޕްލެޓްފޯމްގައި ރަޖިސްޓްރީވެފައިވާކަން ފާހަގަކުރެވެއެވެ.

ދިވެހި ޖީޕީޓީއާ ބެހޭ އިތުރު މަޢުލޫމާތު ހޯދުމަށް https://dhivehigpt.com އަށް ޒިޔާރަތްކުރެވިދާނެއެވެ.