ސިލްސިލާ މުޒާހަރާތައް ކުރިއަށް ގެންދަން ފައްޔާޒު ދެކޮޅު ހައްދަވައިފި، ނަޝީދުގެ ތާއީދު
ލިޔުންތެރިޔާ
އަހުމަދު ހަމީދު އާދަމް
އެމްޑީޕީން މިހާރު ކުރިއަށް ގެންދާ ސިލްސިލާ މުޒާހަރާތައް މިވަގުތު ކުރިއަށް ގެންދަން ކުރީގެ ޗެއާޕާސަން ފައްޔާޒު އިސްމާއީލް (ފައްޔަ) ދެކޮޅު ހައްދަވައިފި އެވެ.
އެމްޑީޕީން ދަނީ ކޮންމެ ރެއަކު މުޒާހަރާ ކުރަމުންނެވެ. މިރޭވެސް ކުއްލި ހަރުގެ ޖަލްސާއެއް ބޭއްވުމަށް ވަނީ ހަމަޖެހިފަ އެވެ. އެ ޖަލްސާއަށް ދައުވަތުދީ އެމްޑީޕީގެ ގައުމީ މަޖިލީހުގެ މެންބަރުންނަށް ހާއްސަ ގުރޫޕްގައި މީހަކު އެކަން ހިއްސާކުރުމުން ފައްޔަ ވަނީ ސިލްްސިލާ މުޒާހަރާތައް ކުރިއަށް ގެންދަން ނުފެންނަ ކަމަށް ވިދާޅުވެފަ އެވެ. މިހާރު ކުރިއަށްދާ ގޮތުން ރައްޔިތުންގެ މަލާމަތް ލިބޭކަން ފާހަގަކޮށް ފައްޔަ ވިދާޅުވީ ޗެއާޕާަސަން އިންތިހާބު ނިމުމުން އަލުން ރޭވުންތެރިކަމާއެކު މުޒަހަރާތައް ހިންގަން ފެންނަ ކަމަށެވެ.
"މިރޭ ތިކަން ކުރުން ތިއީ ޕާޓީގެ މެންބަރުންގެ މޫނުމަތީގައި ތަފާލަކުން ޖެހުން ކަހަލަ ކަމެއް," ފައްޔާޒްގެ މެސެޖުގައި ވިދާޅުވި އެވެ.
ފައްޔަގެ އެ މެސެޖަށް ކުރީގެ ރައީސް މުހައްމަދު ނަޝީދު ވަނީ ލައިކް ޖައްސަވާ އެކަމަށް ތާއީދު ކުރައްވާކަން ހާމަކުރައްވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
