އައިޔޫއެމަށް އައިއެސްއޯގެ މުހިއްމު ދެ ސެޓްފިކެޓެއް، ރާއްޖެއަށް މިފަދަ ސެޓްފިކެޓެއް ލިބުނު ފުރަތަމަ ފަހަރު
ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް) އަށް އިންޓަނޭޝަނަލް އޯގަނައިޒޭޝަން ފޯ ސްޓޭންޑާޑައިޒޭޝަން (އައިއެސްއޯ) ގެ މުހިންމު ދެ ސެޓްފިކެޓެއް ލިބިއްޖެ އެވެ.
އައިޔޫއެމް އަށް ލިބިފައިވަނީ "އައިއެސްއޯ 9001:2015 ކޮލެޓީ މެނޭޖްމަންޓް ސިސްޓަމް ސެޓިފިކޭޝަން" އަދި "އައިއެސްއޯ 21001:2018 އެޑިޔުކޭޝަނަލް އޯގަނައިޒޭޝަންސް" ސެޓްފިކެޓެވެ.
އައިޔޫއެމްއަށް ލިބުނު މި ކާމިޔާބީއާއި ގުޅިގެން އެ ޔުނިވާސިޓީގެ ވައިސް ޗާންސެލާ ޑރ. އަލީ ޒާހިރު ވަނީ މިއީ، މިފަދަ ސެޓްފިކެޓްތަކެއް ދިވެހިރާއްޖޭގެ މަތީ ތައުލީމު ފޯރުކޮއްދޭ މަރުކަޒަކަށް ލިބުނު ފުރުތަމަ ފަހަރުކަން ފާހަގަ ކުރައްވައިފަ އެވެ. އަދި މިއީ ރާއްޖޭގެ ތައުލީމަށް ލިބުނު ކާމިޔާބެއްް ކަމަށް ވިދާޅުވި އެވެ.
އައިއެސްއޯ އަކީ ބައިނަލްއަގްވާމީ ފެންވަރުގައި، އެކި ދާއިރާތަކާއި ގުޅޭ މިންގަނޑުތައް ކަނޑައެޅުމަށް ގާއިމުކޮށްފައިވާ ޖަމިއްޔާ އެކެވެ. އެގޮތުން ޖުމްލަ 174 ގައުމެއްގެ ތަޖުރިބާކާރުން ބައިވެރިވާ މި ޖަމިއްޔާ ގައި، އެކި ދާއިރާތަކާއި ގުޅޭ މިންގަނޑުތައް ކަނޑައެޅުމަށް ޖުމްލަ 823 ޓެކްނިކަލް ކޮމިޓީއެއް އުފައްދާފައިވެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
