N/A
N/A
ހަބަރު 15 Sep 2019 | 08:27

ޑާކް ރެއިނަށް 13 އަހަރު: ދިވެހި ފިލްމީ ދާއިރާ އާ އުސްމިންތަަކަށް!

މީގެ ކުރިން ދިވެހި ފިލްމެކޭ ބުނެފިނަމަ ހިތަށް އަރާނީ ތިނެސްކަން ލޯބީގެ ވާހަކައެކެވެ. ވަރަށް ލޯބިން އުޅޭ ދެމަފިރިންގެ ދެމެދަށް ކޮންމެވެސް ކުއްޖަކު، ކޮންމެވެސް ސަބަބަކާއި ހުރެ ވަންނާނީއެވެ. ގިނަ ފަހަރަށް އެ ކުއްޖާ ވާނީ މި ފިލްމްގެ "ވިލަން"އަށެވެ. ނުވަތަ އެކުއްޖާގެ ބަދަލުގައި ވިލަންއަކަށް މައިދައިތައެއް، ފަހަރިއެއް، ޅިޔަނެއް ނުވަތަ ދޮން މަންމައެއް ވެދާނެއެވެ. ދެން އެ ފިލްމްގައި އިޝްގީ އަސަރު މަދުވާނަަމަ ޖެހިދާނެ ރޯގާއަކަށް ފަރުވާލެއް ނެތި ވާރޭގައި އަސަރުގަދަ ލޯބީގެ ލަވައެއް އައިސްފާނެއެވެ.

މިއީ އޭރު ގިނަ ދިވެހި ފިލްމްތަކުގެ ހާލަތެވެ. އެ ދުވަސްވަރުގައިވެސް ތަފާތު ފިލްމްތައް ނާންނަ ވާހަކައެއް ނުދަންނަވަމެވެ.

ފަހަރެއްގައި އެއީ ދިވެހި އޯޑިއަންސްއިން ބޭނުންވި ބާވަތުގެ ފިލްމްތަކަށް ވެދާނެއެވެ. އެ ފިލްމްތަކަކީ އެ ޒަމާނުގައި ސުޕަރހިޓްތަކެކެވެ. ނަމަވެސް މަޝްހޫރު ފިލްމް ސްޓޫޑިއޯ ޑާކް ރެއިން އެންޓަރޓެއިންމެންޓް މީގެ 13އަހަރު ކުރިން އުފެދިގެން އައުމާއި އެކު ދިވެހި ފިލްމީ ސިނާއަތަށް ބަދަލުތަކެއް އައިފަދައެވެ. ތަފާތު ޖޯންރާ ނުވަތަ ބާވަތްތަކުގެ ދިވެހި ފިލްމްތަކަށް ދިވެހިން އެދެން ފެށިއެވެ. ކުޑައިރުންސުރެ ފިލްމްތައް ދެކެމުންދިޔަ ޒުވާނާއާއި، ޒުވާން ދައުރުގައި ވީސީއާރުން ފިލްމްތައް ބަލަަން ފެށި އުމުރުން ދުވަސްވީ މީހާވެސް ހިމެނޭ ގޮތުންނެވެ.

މިއަދު ދިވެހިރާއްޖޭގެ ގިނަބަޔަކަށް ނަން އެނގޭ ކާމިޔާބު ސްޓޫޑިއޯއަކަށް ޑާކް ރެއިން އެންޓަރޓެއިންމެންޓް ވެފައިވީނަމަވެސް، އެ ހިސާބަށް އާދެވުނީ ގިނަ ހުރަސްތަކެއް ގިރާކުރުމަށްފަހުގައެވެ. މުހައްމަދު އަލީ (މޮގާ)،އަލީ ޝިފާއު (ޗިއްޕެ) އަދި މުއުމިން ފުއާދު ފަދަ ބަޔަކުވެގެން އުފެއްދި މި ސްޓޫޑިއޯއިން އެންމެ ފުރަތަމަ ނެރުނު ފިލްމް "ހޭލާ" އަކީ އެ ދުވަސްވަރު ގިނަބަޔަކު އެންމެ އެދޭ ރަހަތައް ހިމެނޭ ފިލްމަކަށް ނުވިއެވެ. ފާޑުކިޔުންތެރިންގެ ނަޒަރުން ބަލާއިރު، އެއީ ދިވެހި ސިނަމާ ހިލުވާލި ފިލްމެކެވެ. އާންމުކޮށް ނުފެންނަ ވައްތަރުގެ ފިލްމެއް ގެނެސްދިނީއެވެ. 2007ވަނަ އެ ސްޓޫޑިއޯ އިން ނެރުނު "ބަޑިއެދުރު" ފިލްމަކީވެސް މިފަދަ އެއްޗެކެވެ.

ނަަމަވެސް ޑާކްރެއިން އާންމުންނަށް ބޮޑަށް އެނގުނީ 2009ވަނަ އަހަރު އެ ސްޓޫޑިއޯއިން ނެރުނު "ހެޕީ ބާތުޑޭ" އިންނެވެ. ޔޫއްޕެ، ނިއުމާ އަދި އާސިމްފަދަ ތަރިންނާއި އެކު އެ ފިލްމަކީ އެ ސްޓޫޑިއޯއިން ސިނަމާއަށް ގެނެސްދިން ފުރަތަމަ ފިލްމެވެ. މިއީވެސް ހަމަ އެ ދުވަސްވަރުގެ ކްލެސިކް ތިނެސްކަން ލޯބީގެ ފިލްމްތަކާއި ދިމާ އިިދިކޮޅު ފިލްމެކެވެ. މި ފިލްމަށް މާބޮޑު އާމްދަނީއެއް ނުލިބުނެވެ. ފަހަރުގައި ދިވެހި ފިލްމްގެ ފޭނުންނަށް ކަމުނުދިޔައީކަމަށް ވެދާނެއެވެ. ނޫނީ މާކެޓިންގ އެކަށީގެންވާ މިންވަރަށް ނުކުރެވުނީ ކަމަށް ވެދާނެއެވެ.

ނަމަވެސް އޭގެ ހަ ވަރަކަށް އަހަރު ފަހުން ބޭއްވުނު ފިލްމް އެވޯޑްސްގައި އެންމެ ބޮޑަށް ވިދާލީ މި ފިލްމެވެ. 17 އެވޯޑާއި އެކު އެ ފިލްމަކީ މޮޅު ފިލްމެއްކަން ދައްކާލިއެވެ. ދުނިޔޭގެ މަޝްހޫރު ވެނިސް ފިލްމް ފެސްޓިވަލާއި ހިސާބަށް ހެޕީ ބާތުޑޭގެ ޕާޓީ ފޯރިއެވެ.

މީގެ އިތުރުން ދިވެހިރާއްޖޭގެ ހަަމައެކަނި ތްރީޑީ ފިލްމް ހެދުމުގެ ޝަރަފުވެސް އޮތީ ޑާކް ރެއިންގެ އަތުގައެވެ. ފަތިސް ހަނދުވަރުގެ ފެށުންގެ ނަމުގައި ނެރުނު މި ފިލްމަކީ އެ ސްޓޫޑިއޯއިން އެންމެ ބުރަ މަސައްކަތްކޮށްގެން ނެރުނު ފިލްމެވެ. ފާހަގަކޮށްލެވޭ ގޮތުގައި "ފަތިސްހަނދުވަރުގެ ފެށުން" ތްރީޑީކޮށް ބަލާލެވޭނެ ފުރުސަތު ބެލުންތެރިންނަށް ދިނުމަށް އެކަމަށް ޚާއްސަކޮށް ޗައިނާއިން އޯޑަރުކޮށްގެން 40،000 އައިނު އެ ސްޓޫޑިއޯއިން ގެނައެވެ. އެ ފިލްމް ވެގެންދިޔައީ ދިވެހި ތާރީޚުގައި ފަވާލެވުނު ފިލްމަކަށެވެ.

މި ހިސާބުން އެ ސްޓޫޑިއޯގެ ވާހަކަ ނިންމާލެވޭކަށެއް ނެތެވެ. ހުޅުދާން، ގޮށްރާޅު، މާމުއި ފަދަ ތަފާތު ޖޯންރާތަކުގެ ފިލްމްތަކާއި އެކު ޑާކްރެއިނަށް ދިވެހިންގެ ހިތްތަކުގައި ވަނީ ޚާއްސަ ޖާގައެއް ދެވިފައެވެ. ފުރާވަރަށް އެރި ޑާކްރެއިނުން މިހާތަނަށް ވަނީ 12 ފީޗާ ފިލްމު، ހަތަރު ކުރު ފިލްމު، އަށް ޓީވީ ސީރީޒް ހަދާފައެވެ. އެ ސްޓޫޑިއޯގެ އުފެއްދުންތައް އަދިވެސް އޮތީއެވެ. ދިވެހި ފިލްމީ ދާއިރާގެ އިންގިލާބު އަދިވެސް އޮތީއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އިހަވަންދިއްޕޮޅުގައި މޯލްޑިވްސް އިކޮނޮމިކް ގޭޓްވޭ މަސައްކަތް ފެށުމުގެ އެއްބަސްވުމުގައި ސޮއިކޮށްފި
16 Nov 2026 ހަބަރު

އިހަވަންދިއްޕޮޅުގައި މޯލްޑިވްސް އިކޮނޮމިކް ގޭޓްވޭ މަސައްކަތް ފެށުމުގެ އެއްބަސްވުމުގައި ސޮއިކޮށްފި

މި މަޝްރޫޢުގެ ސަބަބުން ރާއްޖޭގެ އިޤްތިޞާދީ ދާއިރާއަށް ބޮޑެތި ބަދަލުތަކެއް އަންނާނެ ކަމަށް ބެލެވޭއިރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އިޤްތިޞާދު ސިންދަފާތުކޮށް، ފަތުރުވެރިކަމުގެ އިތުރުން އެހެނިހެން ދާއިރާތަކުން ޤައުމަށް އާމްދަނީ އިތުރުކުރުމަށް ގެންގުޅުއްވާ ސިޔާސަތުގެ ދަށުން މިއީ އެޅިގެންދިޔަ ވަރަށް މުހިއްމު ފިޔަވަޅެއްކަމަށް އިކޮނޮމިކް މިނިސްޓްރީން ވަނީ ބުނެފައެވެ.

ފަންނީ މަޝްވަރާ މަޖިލީހާއި ކޮމެޓީތައް އެކުލަވާލާނެ އުސޫލެއް، މެންބަރުންނަށް އުޖޫރައެއް ނުދޭނެ
16 Nov 2026 ހަބަރު

ފަންނީ މަޝްވަރާ މަޖިލީހާއި ކޮމެޓީތައް އެކުލަވާލާނެ އުސޫލެއް، މެންބަރުންނަށް އުޖޫރައެއް ނުދޭނެ

މި ކޮމިޓީތަކުގައި މެންބަރުން ކުރައްވާ މަސައްކަތަކީ ޤައުމީ ޚިދުމަތެއްގެ ގޮތުގައި ބައްލަވައި، އެ މަސައްކަތަށް ވަކި އުޖޫރައެއް ނުދެއްވާ ގޮތަށްވެސް ރައީސުލްޖުމްހޫރިއްޔާ ވަނީ ނިންމަވާފައެވެ.

ޕީއެންސީއާ އަދާލަތު ގުޅިގެން މަސައްކަތް ކުރަން އެއްބަސްވުމެއް އެކުލަވާލާ ސޮއިކޮށްފި
16 Nov 2026 ހަބަރު

ޕީއެންސީއާ އަދާލަތު ގުޅިގެން މަސައްކަތް ކުރަން އެއްބަސްވުމެއް އެކުލަވާލާ ސޮއިކޮށްފި

އެެއްބަސްވުމުގައިވާ ހުރިހާ ކަމެއް ދެ ޕާޓީން ރަސްމީކޮށް ހާމައެއް ނުކުރެ އެވެ.

މާސްޓަރސްއަށް ކިޔެވުމަށް ޗައިނާއިން ދިވެހިންނަށް 200 ފުލް ސްކޮލާޝިޕްގެ ފުރުސަތު
16 Nov 2026 ހަބަރު

މާސްޓަރސްއަށް ކިޔެވުމަށް ޗައިނާއިން ދިވެހިންނަށް 200 ފުލް ސްކޮލާޝިޕްގެ ފުރުސަތު

މި ސްކޮލާޝިޕްތަކަކީ ޗައިނީޒް ސްކޮލާޝިޕް ކައުންސިލްގެ އެހީގައި ދިވެހިންނަށް ހުޅުވާލާފައިވާ ޕޯސްޓްގްރެޖުއޭޓް ޕްރޮގްރާމްތަކެކެވެ. މިއީ އެއް އަހަރު ދުވަހުގެ މުއްދަތަށް ކުރިއަށްގެންދާ، ޕްރޮގްރާމްތަކެކެވެ

އިސްލާމިކް މިނިސްޓަރުގެ މަގާމު އަދާލަތަށް ދިނުމުގެ މަޝްވަރާއެއް ނުހިނގާ: އަދާލަތު
16 Nov 2026 ހަބަރު

އިސްލާމިކް މިނިސްޓަރުގެ މަގާމު އަދާލަތަށް ދިނުމުގެ މަޝްވަރާއެއް ނުހިނގާ: އަދާލަތު

އެ ޕާޓީން ބުނީ ‏ސަރުކާރާއި ޢަދާލަތު ޕާޓީއާ ދެމެދު މިފަދަ އެއްވެސް މަޝްވަރާއެއް ކުރެވެމުން ނުދާ ކަމަށެވެ.

ޕާސްޕޯޓް ނިމިފައިވާނަމަ، ލަސްނުކޮށް އަވަހަށް ބަލާ އާދޭ: އިމިގްރޭޝަން
16 Nov 2026 ހަބަރު

ޕާސްޕޯޓް ނިމިފައިވާނަމަ، ލަސްނުކޮށް އަވަހަށް ބަލާ އާދޭ: އިމިގްރޭޝަން

ޕްރިންޓްކޮށްފައިވާ ޕާސްޕޯޓްތައް އިމިގްރޭޝަނުގައި ބެހެއްޓޭނީ 6 މަސްދުވަހުގެ މުއްދަތައްކަން ފާހަގަކުރަމުން އިމިގްރޭޝަނުން ބުނީ، ކަނޑައެޅިފައިވާ މުއްދަތު ހަމަވުމަށްފަހު އޮންނަ އުސޫލުގެ މަތިން ޕާސްޕޯޓް ނައްތާލެވޭނޭކަމަށެވެ

ހުއްދަނެތި ޑިޖިޓަލް ވޮލެޓް ހަދައިގެން ހިންގާ ސްކޭމްތައް އިތުރުވަނީ
16 Nov 2026 ހަބަރު

ހުއްދަނެތި ޑިޖިޓަލް ވޮލެޓް ހަދައިގެން ހިންގާ ސްކޭމްތައް އިތުރުވަނީ

ފުލުހުން އާންމުކޮށްފައިވާ މައުލޫމާތުގައިވާ ގޮތުން ފާއިތުވި މަސްދުވަހަށް ބަލާއިރު ތަހުގީގުތަކުން މަކަރާއި ހީލަތް ހަދާ ފަރާތްތަކުން ދަނީ އޮޅުވާލައިގެން ކުރާ ފޯނު ކޯލްތަކާއި ފޮނުވާ ޓެކްސްޓް މެސެޖުތަކުގެ ޒަރީއާއިން ވަން-ޓައިމް ޕާސްވޯޑް (އޯޓީޕީ) އަދި ވެރިފިކޭޝަން ލިންކުތައް ހޯދުމަށް މަސައްކަތް ކޮށްފައިވެއެވެ.

ރައީސްގެ ދަތުރުފުޅާއެކު ރާއްޖެއާ ޕާކިސްތާނާއި ދެމެދު އެކި ދާއިރާތަކުން ގުޅުން ދަނީ ބަދަހިވަމުން
16 Nov 2026 ހަބަރު

ރައީސްގެ ދަތުރުފުޅާއެކު ރާއްޖެއާ ޕާކިސްތާނާއި ދެމެދު އެކި ދާއިރާތަކުން ގުޅުން ދަނީ ބަދަހިވަމުން

މި ބައްދަލުކުރެއްވުން ނިންމަވާލައްވާފައިވަނީ، ދިވެހިރާއްޖެއާއި ޕާކިސްތާނާ ދެމެދު އޮތް ޒަމާންވީ ގުޅުން އިތުރަށް ބަދަހިކުރުމަށް ދެފަރާތުންވެސް އެއްބާރުލުން ދެއްވާނެކަމުގެ ޔަޤީންކަން ދެއްވަމުންނެވެ.