އުސްތާޛު އިބްރާހިމް ރަޝީދުގެ އަނބިކަނބަލުން ސާމިޔާ އަވަހާރަވެއްޖެ
މަޝްހޫރު ދީނީ އިލްމުވެރިޔާ އަލްއުސްތާޛު އިބްރާހިމް ރަޝީދު މޫސާގެ އަނބިކަނބަލުން ހ. މީރުބަހުރުގޭއާގެ ސާމިޔާ ލަތީފް އަވަހާރަވެއްޖެ އެވެ.
އެކަމަނާ އަވަހާރަވީ ރޭ އިރާކޮޅުގެ ވަގުތެއްގަ އެވެ. އަވަހާރަވީ އުމުރުން 73 އަހަރުގަ އެވެ. ސާމިޔާ ލަތީފްގެ މައްޗަށް ކަށުނަމާދު ކުރުން އޮތީ ފަތިސް ނަމާދަށް ފަހު އާސަހަރާ މިސްކިތުގަ އެވެ.
ސާމިޔާ އަވަހާރަވުމާ ގުޅިގެން ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ އެ އާއިލާއަށް ތައުޒިޔާ ވިދާޅުވެފައެވެ.
ސާމިޔާ އަވަހާރަވުމާއި ގުޅިގެން އިސްލާމީ ޔުނިވާސިޓީން ވަނީ އިބްރާހިމް ރަޝީދު މޫސާއަށް ތައުޒިޔާ ވިދާޅުވެފަ އެވެ. އިބްރާހިމް ރަޝީދު މޫސާ އަކީ އެ ޔުނިވާސިޓީ އުފެއްދުމުގެ އަސްލު ކަމަށްވާ މައުހަދުލްދިރާސާތިލް އިސްލާމިއްޔާގެ ކުރީގެ ޢަމީދު އަދި ކުއްލިޔަތުުލް ދިރާސާތިލް އިސްލާމިއްޔާގެ ކުރީގެ ރެކްޓަރު އެމެރެޓަސް އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
