ފައްޔަގެ ހޫނު ރައްދެއް: އެމްޑީޕީ ބަލިކަށިކުރުމުގައި އިސް ރޯލެއް އަދާކުރި އެކަކީ ވައްޑެ
ލިޔުންތެރިޔާ
އަހުމަދު ހަމީދު އާދަމް
އެމްޑީޕީ ބަލިކަށިކުރުމުގައި އިސް ރޯލެއް އަދާކުރި އެކަކީ ކުރީގެ ރައީސް މުހައްމަދު ނަޝީދުގެ ވަފާތެރި ކުރީގެ މެންބަރު މުހައްމަދު ވަހީދު (ވައްޑެ) ކަމަށް ވިދާޅުވެ އެމްޑީޕީގެ ކުރީގެ ޗެއާޕާސަން ފައްޔާޒް އިސްމާއީލް (ފައްޔަ) ހޫނު ރައްދެއް ދެއްވައިފި އެވެ.
ފައްޔަ މި ރައްދު ދެއްވީ އެމްޑީޕީ ބައިބައިކުރީ ކާކުތޯ ސުވާލު ކުރައްވާ ވަހީދު ކުރި ޕޯސްޓަކާއި ގުޅިގެންނެވެ. އެ ޕޯސްޓްގައި ވަހީދު ތުހުމަތު ކުރެއްވީ ކުރީގެ ރައީސް އިބްރާހިމް މުހައްމަދު ސޯލިހަށެވެ.
ވަހީދު ވަނީ ސޯލިހްގެ ސަރުކާރު އުފެދުނީ އެމްޑީޕީ މެންބަރުންގެ 95 އިންސައްތަ ހިއްސާ އޮވެގެން ކަމަށް ވިދާޅުވެފަ އެވެ. ނަމަވެސް އެ ސަރުކާރުގެ 60 އިންސައްތަ ހިއްސާ ދިނީ ކޯލިޝަނަށް ކަމަށް އޭނާ ވިދާޅުވި އެވެ.
ވަހީދު މިހެން ވިދާޅުވިނަމަވެސް އެ ސަރުކާރު އުފެދުނީ އިތުރު ތިން ޕާޓީގެ ބައިވެރިވުން އޮވެގެންނެވެ. އަދި ސަރުކާރުގެ ބޮޑު ހިއްސާއެއް ވެސް އޮތީ އެމްޑީޕީއަށެވެ.
އޭނާގެ ވާހަކަތަކަށް ރައްދު ދީ ރައީސް ސޯލިހްގެ ސަރުކާރުގެ އިނޮކޮމިކް މިނިސްޓަރު ފައްޔާޒް އިސްމާއީލް ވަނީ އެމްޑީޕީ ބަލިކަށިކުރުމުގައި އިސް ރޯލެއް އަދާކުރި އެކަކީ ވަހީދު ކަމަށް ވިދާޅުވެ ރައްދު ދެއްވާފަ އެވެ.
“އެމްޑީޕީ ބަލިކަށިކުރުމުގައި އިސް ރޯލެއް އަދާކުރި އެއް ފަރުދެއް ވައްޑެ ތިއީ،" ފައްޔާޒް ވިދާޅުވި އެވެ.
ފައްޔާޒް ރައްދު ދެއްވިތަނާ ވަހީދު ވަނީ އެ ޕޯސްޓް ޑިލީޓް ކޮށްލާފަ އެވެ.
މި ދެ ބޭފުޅުންނަކީ ވެސް ރައީސް މުހައްމަދު ނަޝީދުގެ ފެކްޝަންގެ ދެ ބޭފުޅުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
