ޑޮލަރު ވިއްކަން ކަމަށް ބުނެ މަކަރާ ހީލަތުން ފައިސާ އަތުލާ މައްސަލަ ބޮޑުވެ ސަމާލުވާން އެދިއްޖެ
ލިޔުންތެރިޔާ
ޚަދީޖާ އަރުފާ
މީސް މީޑިއާގެ ވަސީލަތްތައް ބޭނުންކޮށްގެން ޑޮލަރު ވިއްކަން ކަމަށްބުނެ މަކަރާ ހީލަތުން ފައިސާ އަތުލާ މައްސަލަ ބޮޑުވެފައިވާތީ ސަމާލުވުމަށް ފުލުހުން އިލްތިމާސްކޮށްފި އެވެ.
ފުލުހުން މިއަދު އެކްސްގައި ކުރި ޕޯސްޓެއްގައި ބުނީ ބޭރު ފައިސާ ގަނެ ވިއްކުމުގެ މުއާމަލާތްތައް ކުރުމުގައި، އިތުބާރު ހުރި ގާނޫނީ ގޮތުން ހުއްދަ ލިބިފައިވާ ފަރާތްތަކާ މުއާމަލާތް ކުރުމަކީ މިފަދަ ސްކޭމްތަކުގެ ޝިކާރައަކަށްވުމުން ސަލާމަތް ވުމުގެ ފުރުސަތު ފަހިވެގެން ދާނެ ކަމެއް ކަމަށެވެ.
މިފަހަކަށް އައިސް ސޯޝަލް މީޑިއާގެ އެކި ވަސީލަތްތައް މެދުވެރިކޮށް އެކި ގޮތް ގޮތަށް ދަނީ މީހުން އަތުން ފައިސާ ފޭރެމުންނެވެ.
އެގޮތުން، ވައިބާ ގުރޫޕް ތަކާއި ފޭސްބުކު ޕޭޖުތަކުންމާއި ޓެލެގްރާމް ގުރޫޕްތަކުން މިފަދަ ސްކޭމްތައް ގިނައިން ކުރާކަން ފާހަގަކުރެވެއެވެ.
އެފަދަ ގްރޫޕުތަކުގައި ޑޮލަރު ވިއްކަން ޖަހައި، މީހުން ޑޮލަރަށްވާ ފައިސާ ފޮނުވުމުން ނަންބަރު ބްލޮކް ކޮށްލައި، ދިން ފައިސާއަށް ޑޮލަރު ނުދެނީ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
