މާފުށި ޖަލު.. ފޮޓޯ: އިންޓަރނެޓް
މާފުށި ޖަލު.. ފޮޓޯ: އިންޓަރނެޓް
ހަބަރު 12 Oct 2026 | 19:07

އިމާރާތްކުރުމުގެ ލައިސަންސް ނެތި ޖަލުތައް އަޅަން ޕޮލްކޯއަށް 45.5 މިލިއަން ރުފިޔާ، ލިބުނީ ގެއްލުން: އޮޑިޓް

އިމާރާތްކުރުމުގެ ތަޖުރިބާއެއް ނެތް އަދި ލައިސަންސްވެސް ނެތް ފުލުހުންގެ ކޯޕަރޭޓިވް ސޮސައިޓީ (ޕޮލްކޯ) އަށް 45.5 މިލިއަން ރުފިޔާއަށް ހަވާލުކުރި މަޝްރޫއެއްގެ ސަބަބުން ސަރުކާރަށް ގެއްލުންވެ، މަސައްކަތް މެދުކަނޑާލާފައިވާ މައްސަލައެއް ފެންމަތިވެއްޖެއެވެ. މިކަން ހާމަވެފައިވަނީ އޮޑިޓަރ ޖެނެރަލް ނެރެފައިވާ ދާހިލީ ވުޒާރާގެ 2022 އަދި 2023 ވަނަ އަހަރުގެ އޮޑިޓް ރިޕޯޓުންނެވެ.

އޮޑިޓް ރިޕޯޓްގައި ބުނެފައިވާ ގޮތުގައި، އަވަހަށް ނިންމުމަށް ކަމަށް ބުނެ ޕޮލްކޯއަށް އުސޫލުން ބޭރުން މި މަޝްރޫޢު ހަވާލުކުރި ނަމަވެސް، ކަމުގެ މަގްސަދު ހާސިލްވެފައިނުވާ ކަމަށެވެ. އެގޮތުން މިއަދާ ހަމައަށްވެސް އެ މަޝްރޫޢުގެ މަސައްކަތް އެއްކޮށް ނިމިފައެއް ނުވެއެވެ.

މި މަސައްކަތް ޕޮލްކޯއާ ހަވާލުކޮށްފައިވަނީ ސިންގަލް ސޯސް ޕްރޮކިއުމަންޓްގެ އުސޫލުން، "އަވަސް މަސައްކަތެއްގެ" ގޮތުގައެވެ. ދަރުމަވަންތަ ސްކޫލް އިމާރާތްކުރުމުގެ މަސައްކަތް ނިމި، ސްކޫލް ހުޅުވުމަށްފަހު، ސަލާމަތީ ސަބަބުތަކަށްޓަކައި މާލެ ޖަލު ބަންދުކުރުމަށް ހަމަޖެހިފައިވުމުންނާއި، މާލެ ޖަލުގައި ތިބި މީހުން މާފުށީ ޖަލަށާއި، އައްސޭރި ޖަލަށް ބަދަލުކުރުމަށްޓަކައެވެ. މިކަމަށްޓަކައި މާފުށީ ޖަލުގައި 50 ގޮޅީގެ ހައިސެކިއުރިޓީ ވިންގަކާއި، އިތުރު 18 ގޮޅި އަދި ސެކިއުރިޓީ ޕޯސްޓެއް އެންމެ އަވަސް ފުރުސަތެއްގައި އިމާރާތް ކުރުމުގެ މަސައްކަތް 24 ނޮވެންބަރު 2022 ގައި ޖުމުލަ 45.5 މިލިއަން ރުފިޔާއަށް ކުރާ ގޮތަށް ޕޮލްކޯއާ އެކު ވުޒާރާއިން އެއްބަސްވުމެއްގައި ސޮއިކުރިއެވެ.

ނަމަވެސް، މި މަސައްކަތް 6 އޮގަސްޓު 2023 ވަނަ ދުވަހު ދަރުމަވަންތަ ސްކޫލްގެ ކިޔެވުން ފެށިއިރުވެސް ނިމިފައިނުވާކަން ރިޕޯޓްގައި ފާހަގަކޮށްފައިވެއެވެ. އެހެންކަމުން، ސިންގަލް ސޯސް އުސޫލުން އަވަސް މަސައްކަތެއްގެ ގޮތުގައި މި މަސައްކަތް ޕޮލްކޯއާ ހަވާލުކުރުމުގެ މަގުސަދު ހާސިލުވެފައިނުވާކަމަށް އޮޑިޓް ރިޕޯޓްގައި ވަނީ ފާހަގަކޮށްފައެވެ.

ޕޮލްކޯއާ ހަވާލުކުރިނަމަވެސް އެފަރާތުން ވަނީ އެ މަސައްކަތް، އަމިއްލަ، ކުންފުންޏެއް ކަމަށްވާ ވީ އަވަރ އިންވެސްޓްމަންޓާ ހަވާލުކޮށްގެން ކުރިއަށްގެންގޮސްފައެވެ. މިކަން މިގޮތަށް ކޮށްފައިވާތީވެ، ވާދަވެރި ބިޑެއްގެ ތެރެއިން ޕޮލްކޯއަށް މަސައްކަތް ކުރުމަށް ހަވާލުކުރުމުން މަސައްކަތް އަގު ހެޔޮކޮށް ކުރުމަށް އޮތް. ފުރުޞަތު ގެއްލިފައިވާކަންވެސް އޮޑިޓުން ވަނީ ފާހަގަކޮށްފައެވެ.

އޮޑިޓުން އެނގޭގޮތުގައި ބިލްތަކަށް ފައިސާ ދެއްކުން ލަސްވުމާ ގުޅިގެން، 2024 ވަނަ އަހަރުގެ ޖޫންމަހުގެ 12 ވަނަ ދުވަހު ހައިސެކިއުރިޓީ ވިންގުގެ މަސައްކަތް ވަނީ މެދުކަނޑާލާފައެވެ. މަސައްކަތް މެދުކެނޑުނު ތާރީހާ ހަމައަށް ނިމިފައިވާ މަސައްކަތަށް 23 މިލިއަނަށްވުރެ ގިނަ ރުފިޔާ ދައްކާފައިވާކަން އޮޑިޓް ރިޕޯޓްގައި ފާހަގަކުރެއެވެ.

ދާހިލީ ވުޒާރާއިން 2022 ވަނަ އަހަރު ޕޮލްކޯއާ ޖަލުތައް އަޅަން ހަވާލުކުރިއިރު އެ ވުޒާރާގެ މިނިސްޓަރަކަށް ހުންނެވީ ޝެއިހް އިމްރާން ޢަބްދުﷲ އެވެ.

ޕޮލްކޯއަކީ މީގެ ކުރިންވެސް ފުލުހުންގެ ފްލެޓްތައް އެޅުމުގެ މައްސަލާގައި އުސޫލުން ބޭރުން ބޮޑެތި މުއާމަލާތްތަކެއް ހިންގާފައިވާ މުއައްސަސާއެކެވެ. އެކަން އޮޑިޓް އޮފީހުން ނެރުނު ބްލޫސް ހައުސިން ޕްރޮޖެކްޓާ ގުޅޭ ހާއްސަ އޮޑިޓުންވެސް ވަނީ ބަޔާންކޮށްފައެވެ. އެގޮތުން އެންމެ ފާހަގަކޮށްލެވެނީ ފުލުހުންގެ ޓަވަރުތައް އެޅުމަށް އެޑްވާންސް ފައިސާގެ ގޮތުގައި ދޭންޖެހޭ 58.9 މިލިއަން ރުފިޔާގެ ބަދަލުގައި އެކި ނަންނަމުގައި 124 މިލިއަނަށްވުރެ ގިނަ ރުފިޔާ އައިލެންޑް އެކްސްޕާޓް ކިޔާ ކުންފުންޏަކަށް ދިން މުއާމަލާތާ ގުޅޭ މައްސަލައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ތިން އަހަރުތެރޭގައި 1.4 ބިލިއަން ރުފިޔާގެ މަސްތުވާތަކެތި އަތުލައިގަނެވުނު: ދާހިލީ ވުޒާރާ
19 Nov 2026 ހަބަރު

ތިން އަހަރުތެރޭގައި 1.4 ބިލިއަން ރުފިޔާގެ މަސްތުވާތަކެތި އަތުލައިގަނެވުނު: ދާހިލީ ވުޒާރާ

ދާހިލީ ވުޒާރާއިން މިއަދު ނެރުނު ތަފާސްހިސާބުތަކުން ދިވެހިރާއްޖޭގެ މަސްތުވާތަކެތީގެ މައްސަލައާއި ގުޅޭގޮތުން ކަންބޮޑުވާފަދަ އަދަދުތަކެއް ހިއްސާކޮށްފައިވެއެވެ.