ރިޟްވާނަށް އިންސާފު ލިބޭނެކަމުގެ އެއްވެސް އުންމީދެއް ނެތް: ދައްތަ
މިނިވަން ނޫހުގެ ނޫސްވެރިޔާ އަހުމަދު ރިޟްވާންގެ މަރުގެ މައްސަލައާއި ގުޅިގެން އިންސާފު ލިބޭނެކަމުގެ އެއްވެސް އުންމީދެއް ނެތްކަމަށް އޭނާގެ ދައްތަ ބުނެފިއެވެ.
ރިޟްވާންގެ ދައްތަ ފާތިމަތު ޝެހެނާޒް މިހެން ބުނީ ކުރި ޓްވީޓެއްގައެވެ.
ޝެހެނާޒް ބުނީ ރިޟްވާނަށް އިންސާފު ލިބޭނެކަމުގެ އެއްވެސް އުންމީދެއް ނެތްކަމަށާއި ރިޟްވާން މަރާލުމުގައި ސަރުކާރާއި ފުލުހުން ވަނީ ރަނގަޅަށް ބައިވެރިވެފައި ކަމަށެވެ.
އޭނާ އިތުރަށް ބުނީ ފުލުހުންގެ މައްޗަށް އެއްވެސް އިތުބާރެއް ނެތްކަމަށާއި މިހާރުވެސް ހަމަ އެ ފުލުހުން އެތަނުގައި އެބަތިބި ކަމަށެވެ.
ފާހަގަކޮށްލެވޭ ގޮތުގައި ރޭ ފުލުހުން ނެރުނު ބަޔާނެއްގައި ވަނީ ރިޟްވާންގެ މައްސަލައިގައި ތަހުގީގީ ކޮމިޝަނުން ނެރުނު ރިޕޯޓްގައި ފާހަގަކޮށްފައިވާ ފުލުހުން ހައްޔަރުކުރުމަށް އެކަށީގެންވާ ހެކި ނެތްކަމަށް ބުނެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
