ލ އަތޮޅުގައި ދެވަނަ އެއާޕޯޓެއް އަޅާނަމަ، އެ އެއާޕޯޓު މާވަށުގައި އެޅުމަށް އެދެފި
ލ އަތޮޅުގައި ދެވަނަ އެއާޕޯޓެއް އަޅާނަމަ، އެ އެއާޕޯޓު އެ އަތޮޅު މާވަށުގައި އެޅުމަށް އެރަށުގެ ކައުންސިލުން އެދެފި އެވެ.
އެރަށުގެ ކައުންސިލުން މިފަދައިން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އަރިހުން އެދިފައިވަނީ މިއަދު، ހެނދުނު ހައްދުންމަތީ މާވަށު ކަންސިލް އިދާރާ ގައި އެމަނިކުފާނު އެރަށުގެ ކައުންސިލާއި އަންހެނުންގެ ތަރައްގީ އަށް މަސައްކަތް ކުރާ ކޮމިޓީ އާއި އެކު ބޭއްވި ބައްދަލުވުމުގެ ތެރެއިންނެވެ.
މި ބައްދަލުވުމުގައި މާވަށު ކައުންސިލުން ވަނީ އެރަށާއި ލާމު އަތޮޅުގެ އެހެން ރަށްރަށާ ހުރި ދުރުމިނުގެ ސަބަބުން ދަތުރުފަތުރު ކުރުމުގައި ދިމާވާ ދަތިކަމުގެ ސަބަބުން، ލ އަތޮޅުގައި ދެވަނަ އެއާޕޯޓެއް އަޅާނަމަ އެ ރަށުގައި އަޅައިދެއްވުމަށް ރައީސް ޑރ.މުޢިއްޒު އަށް ދަންނަވާފައެވެ.
ހަމައެއާއިއެކު، ރަށު ކައުންސިލުން ވަނީ ރަށުގެ ޓޫރިޒަމާއި ސިއްހީ ހިދުމަތްތައް މިހާރަށްވުރެ ވެސް ބޮޑަށް ތަރައްގީކޮށް، އެ ރަށުން ގޯތި ދިނުމަށް ބިން ދޫކުރުމަށްޓަކައި ބޭނުންވާ ބިން ހިއްކުމުގެ މުހިންމުކަމުގެ މައްޗަށް ވެސް އަލިއަޅުވާލާފައެވެ.
މި ބައްދަލުވުމުގައި ރައީސް ޑރ.މުޢިއްޒު ވަނީ ކައުންސިލުން ފާހަގަކުރެއްވި ކަންކަން ކުރިޔަށްދާނެކަމަށް ވިދާޅުވެ، މިބައްދަލުކުރެއްވުމުގައި ބައިވެރިވެވަޑައިގެންނެވި ވަޒީރުން މެދުވެރިކުރައްވައި، ކައުންސިލުން ފާހަގަކުރި މުހިންމު ކަންތައްތަކުގެ އެންމެ ފަހުގެ މަޢުލޫމާތު ހިއްސާކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
