މަންޓާ އެއާ މިއަދު ވަރަށް ގައުމީ!
މިއަދު ފާހަގަކުރެވެމުން މިދާ މިނިވަން ދުވަހަކީ ވަރަށް ޚާއްސަ ދުވަހެކެވެ. އިނގިރޭސީންގެ ހިމާޔަތުގެ އުނގުން ދިވެހިން މިނިވަންވެ، ދިވެހި ދައުލަތް މިނިވަން މުސްތަޤިއްލުވުމާއި އެކު ދިވެހިންނަށް އެކި ދާއިރާތަކުން ތަމައްދުނާއި ކުރިއެރުން ލިބުނެވެ. މިގޮތުން އެއް ދާއިރާއަކަށް ވެގެންދާނީ ބޭރު ދުނިޔެއާއި މިކުޑަކުޑަ ޖަޒީރާ ރަށްތައް ގުޅުވައދިން ވައިގެ ދަތުރުފަތުރުގެ ސިނާއަތެވެ.
މިސިނާއަތުގައިވެސް މިއަދުގެ މިނިވަން އުފާ މި ދަނީ ފާހަަގަކުރެވެމުންނެވެ. އެގޮތުން ރާއްޖޭގެ އެތެރޭގެ އުދުހުންތަކުގައި ބާރު މިނެއްގައި އުދުހެމުންދާ މަންޓާ އެއާއިން ދަނީ މއަދުގެ މުނާސަބަތާއި ގުޅިގެން ގައުމިއްޔަތުގެ ކުލަވަރުތައް ދިރުވައި އާލާކުރުމަށް މަސައްކަތް ކުރަމުންނެވެ.
ވޮއިސްއަށް މައުލޫމާތު ދެއްވަމުން މަންޓާ އެއާގެ އޮފިޝަލަކު ވިދާޅުވީ އެ އެއާލައިނުން ދަތުރުކުރައްވާ ފަސިންޖަރުންނަށް ދިވެހި ގައުމީ ރޫހު އެ އެއާލައިންގެ ބޯޓުތަކުން އިހުސާސްކުރެވޭނެއެވެ. އެގޮތުން މިއަދު އެ އެއާލައިންގެ ހުރިހާ ކްރޫއިންގެ މޫނުން ދިވެހި ގައުމިއްޔަތުގެ މައިގަނޑު ބަހާ ކަމުގައިވާ ދިވެހި ދިދަ ފެނިގެންދާނެއެެވެ.
އަދި މީގެ އިތުރުން އެބޯޓުގެ އެނައުންސްމެންޓްތަކުގައިވެސް މިނިވަން ދުވަހުގެ ތަހުނިޔާ ފަސިންޖަރުންނަށް އަރިސްކުރަމުން ދާނެއެވެ.
މަންތާ އެއާއިން މިވަގުތު ދަތުރުތައް ބާއްވަމުންދަނީ މާލެއާއި ދ.ކުޑަހުވަދޫ އަދި ބ.ދަރަވަންދޫއާއި ދެމެދުގައެވެ. އެ އެއަރލައިންއިން ދަނީ އިތުރު މަންޒިލްތަކަށްވެސް ދަތުރު ފުޅާކުރުމަށް ރާވަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
