ހުޅުމާލެ ފުޓްސަލް ޓީމުގެ ކުޅުންތެރިންނަށް ޖާޒީ ހަވާލުކޮށްފި

މިހާރު ކުރިއަށްދާ ގޯލްޑަން ފުޓްސަލް ޗެމްޕިއަންޝިޕްގައި ވާދަކުރާ ހުޅުމާލޭގެ ޓީމްގެ ކުޅުންތެރިންނަށް ރަސްމީގޮތުން ޖާޒީތައް ހަވާލުކޮށްފިއެވެ.

މިކަން އޮތީ މިރޭ ހުޅުމާލެ އިންޑޯ ސްޕޯޓްސް ކޮމްޕްލެކްސްގައި ބޭއްވި ރަސްމިއްޔާާތެއްގައެވެ. މި ރަސްމިއްޔާތު ޝަރަފުވެެރިކޮށްދެއްވީ އެޗްޑީސީގެ ޑެޕިއުޓީ މެނޭޖިންގ ޑިރެކްޓަރެވެ. މި ރަސްމިއްޔާތުގައި ހުޅުމާލޭގެ ގިނަ އަދަދެއްގެ ރައްޔިތުންވެސް ވަނީ ބައިވެރިވެފައެވެ.

މި މުބާރާތުގައި ހުޅުމާލޭގެ ޓީމުގެ މެއިން ސްޕޮންސަރަކީ ވޮއިސްއެވެ. އަދި ކޯ ސްޕޮންސަރަކީ ޕްރީމިއަރ ޕްރޮޕަޓީއެވެ.

މިއީ ގޯލްޑަން ފުޓްސަލް މުބާރާތުގައި ހުޅުމާލޭގެ ޓީމެއް ވާދަކުރާ ފުރަތަަމަ ފަހަރެވެ. މި ޓީމުގެ ކޯޗަކީ ފުޓްބޯޅަ އަދި ފުޓްސަލްގެ ދަނޑުގައި ރަން ވަނަތަކެއް ހާސިލްކޮށްފައިވާ އާދަމް ލަރީފް، ރޮނާއެވެ.