ކޮކޫން މޯލްޑިވްސްގެ ޑޮކްޓަރ ކައިރިއަށް ބަލިމީހަކު ގެނެވުނު ޑޮކްޓަރ އިނީ ލަވަޖަހަން!

ޅ.އަތޮޅުގައި ހިންގާ ރިސޯޓެއްކަމުގައިވާ ކޮކޫން މޯލްޑިވްސްގައި ހުރި ޑޮކްޓަރ ކައިިރިއަށް ބަލިމީހަކު ގެނެވުނު ވަގުތުގައި އޭނާ ލަވަޖަހަން އިން މައްސަލައެއް ފެންމަތިވެއްޖެއެވެ.

މީސް މީޑިޔާާގައި އާންމުވެފައިވާ ވީޑިޔޯއެއްގައި ފެންނަ ގޮތުގައި އެ ޑޮކްޓަރުގެ ކައިރިއަށް ތަނުގެ މުވައްޒަފަކު ހޭނެތިގެން ގެނެވުނު އިރު، އޭނާ އިނީ ލަވަޖަހާށެވެ. އެ ޑޮކްޓަރުގެ ކްލިނިކް ތެރޭގައި އެވަގުތު ރިސޯޓްގެ އެހެން މުވައްޒަފުން ހަރަކާތްތެރި ވަމުންދިޔައިރު، އެކަމަށް އޭނާގެ ފަރާތުން މާބޮޑު ސަމާލުކަމެއް ލިބުނުތަން ފެނިފައެއް ނުވެއެވެ.

މި ވީޑިޔޯ އާންމުކުރަމުން ވަނީ ސްޓާފުންނަށް އޮފްޑޭ، ބަލިވުމުގެ ޗުއްޓީ އަދި އާއިލީ ޒިންމާގެ ޗުއްޓީ ކޮކޫން މޯލްޑިވްސް ރިސޯޓުން ނުދޭކަމަށް ބުނެފައެވެ.

މި ހާދިސާއާއި ގުޅިގެން ޓުއަރިޒަމް އެމްޕްލޯޔީސް އެސޯސިއޭޝަން އޮފް މޯލްޑިވްސްއަށް ކުރި ސުވާލަކަށް ޖަވާބުދެއްވަމުން އެ ޖަމްެއިއްޔާގެ ސެކްރެޓަރީ ޖެެނެރަލް މައުރޫފް ޒާކިރު ވިދާޅުވީ އެ ހާދިސާގެ މައުލޫމާތު އެފަރާތަށްވެސް ލިބުނު ކަމަށެވެ. އަދި މިކަމާއި ގުޅިގެން އެ ރިސޯޓާއި ޓުއަރިޒަމް މިނިސްޓްރީއާއި ވާހަކަދައްކަމުންދާ ކަމަށް މައުރޫފް ވިދާޅުވިއެވެ.

މައުރޫފް ވިދާޅުވީ މިފަދަ ހާދިސާތަކަކީ އެހެން ރިސޯޓްތަކުގައިވެސް ހިނގާފައިވާ ކަންކަން ކަމަށާއި، ނަމަވެސް އެ މައްސަލައަށް ހައްލެއް ލިބިފައި ނުވަނީ ރިސޯޓްތަކުން އެކަމާއި މެދު އަޅާނުލާތީ ކަމަށެވެ.

މިކަމާއި ގުޅޭގޮތުން އެ ރިސޯޓްގެ ފަރާތުން ބަހެއް ލިބިފައެއް ނުވެއެވެ.

https://www.facebook.com/permalink.php?story_fbid=1039276386416852&id=893591397652019