ޑްރެގަން ފްރުޓް ކާންޖެހެނީ މިހެންވެ

ޑްރެގަން ފްރުޓް ނުވަތަ ޕިތާޔާ އަކީ ދިވެހިންގެ މެދުގައި އެހާ މަގުބޫލު މޭވާއެއް ނޫނެވެ.

އެހެންނަމަވެސް އެއީ ސިއްހަތަށް ފައިދާ ހުރި ގިނަ މާއްދާތަކެއް އެކުލެވޭ މޭވާއެކެވެ. މި ލިޔުމުގައި މި ހިމަނާލަނީ އޭގެތެރެއިން ބައެއް ފައިދާތަކެވެ.

ހަށިގަނޑަށް ފައިދާ ހުރި ގިނަ މާއްދާތަކެއް އެކުލެވޭ:

ޑްރެގަން ފްރުޓަކީ ކެލަރީ މަދުން ހިމެނޭ، އަދި ސިއްހަތަށް ފައިދާހުރި މާއްދާތައް ގިނައިން އެކުލެވިގެންވާ މޭވާއެކެވެ. އެގޮތުން 227 ގްރާމް ނުވަތަ އެއްޖޯޑުގެ ޑްރެގަން ފްރުޓްގައި އެކި މާއްދާތައް އެކުލެވިގެންވާ މިންވަރަށް ބަލާއިރު:

ކެލަރީސް: 136

ޕްރޮޓީން: 3 ގްރާމް

ފެޓް: 0 ގްރާމް

ކާބޯހައިޑްރޭޓްސް:29 ގްރާމް

ފައިބަރ: 7 ގްރާމް

އަޔަން: 8%

މެގްނީޒިއަމް: 18%

ވިޓަމިން ސީ: 9%

ހަށިގަނޑުގެ ދިފާއީ ނިޒާމް ވަރުގަދަ ކޮށްދިނުން:

އެކި އިންފެކްޝަންތަކުން ހަށިގަނޑު ސަލާމަތްކޮށްދެނީ ހަށިގަނޑުގައި އެކުލެވިގެންވާ މާއްދާތަކުގެ ސަބަބުންނެވެ. އެހެންކަމުން، ތިމާ ކެއުމުގައި ބޭނުންކުރާ ތަކެތީގެ ސަބަބުން، ހަށިގަނޑުގެ ދިފާއީ ނިޒާމަށް އެދެވޭ ނުވަތަ ނޭދެވޭ އަސަރުތަކެއް ކުރެއެވެ.

ޑްރެގަން ފްރުޓްގައި ހިމެނޭ ވިޓަމިން ސީ އަދި ކެރެޓިނޮއިޑްސްގެ ސަބަބުން ހަށިގަނޑަށް އެކި ބަލިތަކުން ދިފާއުވުމުގެ ފުރުސަތު ފަހިކޮށްދެއެވެ.

ހަށިގަނޑުގައި ދަގަނޑުގެ ބައި އިތުރުކޮށްދިނުން:

ޑްރެގަން ފްރުޓަކީ، އަޔަން އެކުލެވިގެންވާ މަދު މޭވާތަކުގެ ތެރެއިން މޭވާއެކެވެ. އަޔަން އަކީ ކާނާ ހަކަތައަށް ހަދައިދިނުމަށާއި، ހަށިގަނޑުގެ ތެރޭގައި އޮކްސިޖަން ދައުރުކޮށްދިނުމަށް އެހީތެރިވެދޭ މޭވާއެކެވެ.