ރޯދައިގެ ފަހު 10 އާދިމާކޮށް އައިއޭސީން ޣައްޒާއަށް އެހީގެ ގޮތުގައި ދުވާލެއްގެ މައްޗަށް ފޯރުކޮށްދޭ ޕެކް 12،000 އަށް އިތުރުކޮށްފި
ރޯދައިގެ ފަހު 10 އާދިމާކޮށް އިންޓާނޭޝަނަލް އެއިޑްސް ކެމްޕެއިން (އައިއޭސީ)ން ޣައްޒާއަށް އެހީގެ ގޮތުގައި ދުވާލެއްގެ މައްޗަށް ފޯރުކޮށްދޭ ޕެކް 12،000 އަށް އިތުރުކޮށްފިއެވެ.
އައިއޭސީން އަންނަނީ ޣައްޒާގައި ހާލުގައި ޖެހިފައިތިބި މީހުންނަށް މިރޯދަމަހު ހޫނު ބަތްޕާރުސަލް އަދި އިފްޠާރު ބެހުން ކޮންމެ ދުވަހަކުވެސް ކުރިއަށް ގެންދަމުންނެވެ.
އެ ކެމްޕެއިން ޓީމުން ރޭ އެކްސްގައި ކުރި ޕޯސްޓުގައި ބުނެފައިވަނީ، ރޯދަމަސް ފެއްޓުމުގެ ކުރީއްސުރެ ދުވާލަކު 3000 ޕެކޭޖްގެ މަގުން ބަތްޕާރުސަލް ޣައްޒާއަށް ފޯރުކޮށްދެމުން ގެންދާކަމަށެވެ.
އަދި ރޯދަމަސް ފެށުމުން މި އަދަދު ދުވާލެއްގެ މައްޗަށް 5000 ޕެކަށް އިތުރުކޮށް ފޯރުކޮށްދެމުން ގެންދާކަމަށް އެ ޖަމިއްޔާއިން ވަނީ ބުނެއެވެ.
މީގެއިތުރުން އައިއޭސީން ބުނީ، ރަމަޟާން މަހުގެ 19 އިން ފެށިގެން ޣައްޒާއަށް އެހީގެ ގޮތުގައި ދުވާލެއްގެ މައްޗަށް ފޯރުކޮށްދެވޭ އަދަދު 12،000 އަށް އިތުރުކޮށްފައިވާ ކަމަށެވެ.
2018 ވަނަ އަހަރުން ފެށިގެން ހުއްޓުމެއްނެތި ޣައްޒާގެ ރައްޔިތުންނަށް އައިއޭސީގެ ފަރާތުން އެހީތެރިކަން ފޯރުކޮށްދެމުން ދާއިރު، އެޖަމިއްޔާއިން ބުނީ، އޭރު އެމީހުން އުޅެމުންދިޔަ ހާލަތުގައި ދޫކޮށްނުލި ބަޔަކު، މިހާރު މިއޮތް ދަތި ހާލަތްތަކުގައިވެސް އެމީހުން ދޫކޮށްނުލާނެ ކަމަށެވެ.
ދިވެހީންގެ ފަރާތުން ޣައްޒާ ރައްޔިތުންނަށް އެހީތެރިކަން ފޯރުކޮށްދިނުމަށް އައިއޭސީ މެދުވެރިކޮށް އެހީތެރިކަން ފޯރުކޮށްދެވޭނެއެވެ.
.ބީއެމްއެލް އިސްލާމިކް
އެކައުންޓް ނަމްބަރު: 7770000062741
އެކައުންޓް ނަން: International Aid Campaign
އެކައުންޓް ލޭބަލް: IAC | EMERGENCY
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
