އެމްއެލްއެސްޑީޕީގެ އިފްތިތާހީ ޖަލްސާ ބާއްވައިފި

މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީ ރަޖިސްޓަރ ކުރުމަށްޓަކައި ބާއްވަންޖެހޭ އިފްތިތާހީ ޖަލްސާ ބާއްވައިފިއެވެ.

މި ޖަލްސާ ބާއްވާފައިވަނީ ރޭ ދަރުބާރުގޭ ރަންނަބަނޑޭރި މާލަމުގައެވެ.

ޖަލްސާގައި މައިގަނޑު ކަމަކަށް އޮތީ، އެޕާޓީގެ އިންތިގާލީ ކައުންސިލް ހޮވުމާއި ޕާޓީގެ ކުލަޔާއި ލޯގޯ ފާސްކުރުމެވެ.

ރޭގެ ޖަލްސާގައި 317 މީހުން ބައިވެރިވިކަމަށް ލޭބަރ ޕާޓީން މައުލޫމާތުދެއެވެ. އެ ޕާޓީގެ ރަސްމީ ކުލަތަކުގެ ގޮތުގައި ރޭ ފާސްކުރެވިފައިވަނީ ރަތާއި، ކަޅާއި ހުދެވެ.

އެމްއެލްއެސްޑީގެ ކައުންސިލް މެންބަރުންނަށް ހޮވިވަޑައިގެންނެވި ފަރާތްތަކަކީ:

އަބްދުﷲ ހަސީން - 315 ވޯޓު

މައުރޫފް ޒާކިރު - 315 ވޯޓު

އަބްދުލް މަޖީދު އަބްދުލްކަރީމް - 317 ވޯޓު

އަހުމަދު ޝިހާމް - 317 ވޯޓު

އާލާ އިބްރާހީމް ރަޝީދު - 316 ވޯޓު

އިބްރާހީމް މުޖުތަބާ - 313 ވޯޓު

ޒިޔާދު ރަޝާދު - 315 ވޯޓު

މުހައްމަދު ފުރުގާން - 313 ވޯޓު

މުހައްމަދު ސޯދިގު - 315 ވޯޓު

އާމިނަތު ޝާހީ - 313 ވޯޓު

ހިންނާ ހާލިދު - 310 ވޯޓު

އަލީ އަކްރަމް - 310 ވޯޓު

ޝަމްޝީރު ރިލްވާން - 305

އާދަމް ޝިފާއު - 312

އަލީ ނާޒިމް - 310، މިއެވެ.

މި ޖަލްސާ ބޭއްވުމާއި އެކު ޕާޓީ ރަޖިސްޓަރ ކުރުމަށް އީސީއަށް ހުށައެޅޭނެއެވެ.