ރޭ ކުރި ވިއްސާރައިގައި އުތުރުގެ ރަށްތަކުގެ 69 ގެއަކަށް ފެންވަދެ ގެއްލުންވެއްޖެ
ރޭގައި ކުރި ވިއްސާރައިގައި އުތުރުގެ ރަށްތަކުގެ 69 ގެއަކަށް ފެންވަދެ އެކިވަރުގެ ގެއްލުންތައް ވެއްޖެއެވެ.
މިކަމާއި ގުޅޭގޮތުން ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނީ، ހއ. ހޯރަފުށީގެ 2 ގެއަކަށް, ހދ ކުޅުދުއްފުށީގެ 57 ގެއަކަށް, ށ.ފީވަކުގެ 5 ގެއަކަށް އަދި ށ.ނޫމަރާގެ 5 ގެއަކަށް ފެން ވަދެ ގެއްލުން ވެފައިވާ ކަމަށެވެ.
މީގެ ތެރެއިން ކުޅުދުއްފުށީގެ 5 ގެއަކުން މީހުން ބަދަލު ކުރެވިފައިވާކަމަށް ވެސް އެންޑީއެމްއޭ އިން މައުލޫމާތުދެއެވެ.
އުތުރުގެ އަތޮޅުތަކަށް މޫސުން ގޯސްވާނެކަމަށް ލަފާކޮށް އިއްޔެ ވަނީ އެ ސަރަހައްދަށް ރީނދޫ ސަމާލާއި އޮރެންޖު އިންޒާރުވެސް މޫސުމާއި ބެހޭ އިދާރާ (މެޓް އޮފީސް) އިން ނެރެފައެވެ.
އެހެންނަމަވެސް، ރޭ ދަންވަރު 1:00 އިން މިއަދު ހެނދުނު 7:00 އާއި ހަމައަށް އެ ސަރަހައްދުގެ މޫސުން ކުރިއަށްވުރެ ރަނގަޅުކަމަށް ލަފާކޮށް ވަނީ ހުދު ސަމާލު ނެރެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
