މަސްދަޅު ދޫކުރަން ފަށާ ގަޑިއާއި ދޫކުރާ ތަންތަން ބަދަލުވެއްޖެ

މިއަދު މެންދުރު ދޫކުރުމަށް ހަމަޖެހިފައިވާ މަސްދަޅު ކޭސް ބަހަން ފަށާ ގަޑި ބަދަލުވެއްޖެ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން ބުނެފިއެވެ.

މިފްކޯ އިން ބުނީ ސަރުކާރުގެ ފަރާތުން އާންމުންނަށް ދޫކުރާ އެކުންފުނީގެ މަސްދަޅުކޭސްތައް ދޫކުރަން ފަށާނީ މިރޭ 08:30 އިން ފެށިގެން ކަމަށެވެ. އޭގެ ކުރިން މިފްކޯ އިން ރޭވީ މިއަދު މެންދުރު 02:30 އިން ފެށިގެން 18:00 ގެ ނިޔަލަށް މަސްދަޅު ކޭސް ދޫކުރާށެވެ.

މިއަދުން ފެށިގެން މި މަހުގެ 28 ވަނަ ދުވަހުގެ ނިޔަލަށް މަސްދަޅު ކޭސް ދޫކުރުން ކުރިއަށް ގެންދާނެއެވެ.

މިގޮތުން މަސްދަޅު ދޫކުރުމަށް ހަމަޖެހިފައިވާ ގަޑިތައް ތިރީގައި މިވަނީއެވެ.

•20 ފެބްރުއަރީ 2025- 20:30 އިން 23:00 އަށް

•21 ފެބްރުއަރީ 2025- ބަންދު

•22 ފެބްރުއަރީ 2025- 10:00 އިން 16:00 އަށް އަދި ރޭގަނޑު 20:30 އިން 23:00 އަށް

•23 ފެބްރުއަރީ އިން 27 ފެބްރުއަރީ 2025- 14:30 އިން 18:00 އަށް އަދިރޭގަނޑު 20:30 އިން 23:00 އަށް

މިވަގުތު މާލޭ ސަރަހައްދުގައި މަސްދަޅުކޭސް ބަހަން ނިންމިފައިވާ ސަރަހައްދުތައް:

• މާލޭގައި: މިފްކޯ އޮފީސް ކޮމްޕައުންޑް އަދި ހެންވޭރު އެމްޓީސީސީ ސޯމިލް

• ވިލިމާލޭގައި: ވެމްކޯ ސައިޓް

• ހުޅުމާލެ ފޭސް-1 ގައި: އުމަރު ޒާހިރު ބިލްޑިންގ

• ހުޅުމާލެ ފޭސް-2 ގައި: ހިޔާ ފްލެޓް ޓަވަރ 10 ގެ ޔޫތު ސެންޓަރު

މަސްދަޅު ކޭސް ބަލާ އަންނައިރު އެ ގޭބީސީއެއްގެ ކަރަންޓް ބިލްގެ އެންމެ ފަހު ތިން މަހުގެ ބިލްގެ ތެރެއިން ކަރަންޓް މީޓަރު އެނގޭނެ ފަދަ ލިޔުމެއް ގެންނަން ޖެހެ އެވެ. އަދި ބަލާ އަންނަ މީހެއްގެ އައިޑީކާޑު ބޭނުންވާނެ އެވެ. މަސްދަޅު ކޭސް ދޫކުރާނީ ހަމައެކަނި ދިވެހީންނަށެވެ.