ތައިލެންޑްގެ އިންތިޚާބުގައި ވޯޓުލުން ފަށައިފި
2014 ވަނަ އަހަރުގެ ފަހުން ތައިލެންޑްގައި ފުރަތަމަ ފަހަރަށް ބާއްވާ އާންމު އިންތިޚާބުގެ ވޯޓުލުން ފަށައިފިއެވެ.
ތައިލޭންޑްގެ މަސްރަޚު ދިރާސާ ކުރައްވާ ތަޖުރިބާ ކާރުން ސިފަކުރާ މި އިންތިޚާބަށް ފަހު ތައިލޭންޑް ޑިމޮކްރަޓިކް އުސޫލުތަކާއި ދިމާލަށް މިސްރާބު ޖަހާނެއެވެ.
އެހެން ނަމަވެސް މި އިންތިޚާބު ފެށުމުގެ ކުރިން ތައިލޭންޑްގެ އަސްކަރިއްޔާގެ ނުފޫޒުގަދަ މިހާރުގެ ސަރުކާރުން ވަނީ އިންތިޚާބުގެ ކަންކަން އެމީހުން ބޭނުން ގޮތަކަށް ކުރިއަށް ގެންދިއުމަށް އުސޫލުތައް ކަނޑައަޅާފައެވެ.
އެގޮތުން އިންތިޚާބުގައި ކެމްޕެއިން ކުރުމުގެ ފުރުސަތު ވެސް އިދިކޮޅު ފަރާތްތަކަށް ދީފައި ވަނީ ވަރަށް ހަނި ގޮތަކަށެވެ.
ތައިލޭންޑްގެ އާއްމު އިންތިޚާބުގައި ވާދަކުރަނީ ތައިލެންޑްގެ ރަސްގެފާނުގެ ތާއީދު ލިބިގެން ވާދަކުރާ އަސްކަރީ ޖުންތާއިންގެ ކޯލިޝަނަކާއި ކުރީގެ ބޮޑުވަޒީރު ތަކްސިން ޝިނަވަޓްރާގެ ތާއީދުއޮތް ޕާޓީތަކާއި، ތައިލެންޑަށް އަލުން ޑިމޮކްރަސީ އިއާދަކުރުމަށް މަސައްކަތްކުރާ އެހެން ޕާޓީތަކެވެ.
5 އަހަރެއްހާ ދުވަހުގެ އަސްކަރީ ވެރިކަމަށް ފަހު މިއަދު ބާއްވާ ފުރަތަމަ އިންތިޚާބުގެ ވޯޓު ލުމަށް އެތައްހާސް ބަޔަކު ވަނީ ވޯޓްލާން ކިޔޫ ހަދާފައެވެ
މިއިންތިޚާބުގައި ވޯޓުލުމުގެ ތައިލޭންޑްގެ 51 މިލިއަން މީހުންނަށް ލިބިފައި ވާއިރު، އޭގެ ތެރެއިން ހަތް މިލިއަނަކީ އަލަށް ވޯޓް ލުމުގެ ހައްގު ލިބިގެންދާ ޒުވާނުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
