ވައިކަރަދޫގައި ކަރަންޓްގެ މައްސަލަ ހައްލުނުވެ މިއީ ތިންވަނަ ދުވަސް
ހދ.ވައިކަރަދޫގައި މުޅި ރަށަށް ކަރަންޓްދޭ އިންޖީނަށް މައްސަލަ ޖެހި ކަރަންޓް ކެނޑޭތާ ތިން ދުވަސްވެއްޖެއެވެ.
ހދ ވައިކަރަދޫއިން އިންޖީނު ގޭގައި މަސައްކަތްކުރާ މީހަކު ވޮއިސްއަށް މައުލޫމާތު ދެމުން ބުނެފައިވަނީ އެރަށަށް ކަރަންޓްގެ މައްސަލަ ދިމާވެފައިވަނީ މިމަހުގެ އަށާވީސް ވަނަ ދުވަހުކަމަށެވެ.
އެމައްސަލަ ދިމާވެފައިވަނީ މުޅި ރަށަށް ކަރަންޓްދޭވަރުގެ ކެޕޭސިޓީ ހުރި އިންޖީނުގެ މައްސަލަ ޖެހިގެން ކަމަށާއި، އަދިވެސް އެ މައްސަލަ ހައްލު ނުވާކަމަށެވެ. އަދި މިހާރު ކަރަންޓް ދެމުންދަނީ ދެންހުރި އިންޖީނުމް ފަހަރަކު ރަށުގެ އެއްބަޔަށް ކަމަށެވެ. އަދި އިންޖީނަށް ދިމާވެފައިވާ މައްސަލަ މިއަދުގެ ވަގުތެއްގައި ހައްލުކުރެވޭނެ ކަމަށް ބެލެވޭ ކަމަށާއި، ނަމަވެސް އެއީ ވަގުތީ ހައްލެކަމަށެވެ.
އެރަށުގެ ކަރަންޓްގެ ހާލަތު ރަނގަޅު ކުރެވޭނީ ރަށަށް އާ އިންޖީނެއް ލިބިގެން ކަމަށްވެސް އޭނާ ބުނެފައިވެއެވެ. އަދި އެރަށުގެ ކަރަންޓަށް ދާއިމީ ގޮތެއްގައި މައްސަލަ ޖެހޭތާ މިހާރު ތިން މަސްވެފައިވާކަމަށާއި ނަމަވެސް އަދިވެސް އެކަމަށް ދާއިމީ ހައްލެއް ހޯދަދީފައިނުވާކަމަށް އޭނާ ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
