އަދީބް ހާލު ގޯސްވެ އެމަޖެންސީގައި ފަރުވާދެނީ
ކުރީގެ ނައިބް ރައީސް އަހްމަދު އަދީބްގެ ހާލު ގޯސްވެ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އެމަޖެންސީގައި ފަރުވާދޭން ފަށައިފިއެވެ.
އަދީބްގެ ހާލަތާ ބެހޭގޮތުން އަދީބް ނިސްބަތްވެ ވަޑައިގަންނަވާ އެމްޓީޑީގެ ނައިބް ރައީސް ޔާމީން ރަޝީދް ވޮއިސްއަށް ކިޔާދިން ގޮތުގައި އަދީބް ވަނީ ރޭ 1:30 ހާއިރު ގޮޅި ތެރެއަށް އަނބުރައިގަނެގެން ވެއްޓިފައެވެ.
"އަދީބް ގެ ޑޮކްޓަރުން ވަނީ މީގެ ކުރިންވެސް އަދީބް ކައިރީ މީހަކު އަބަދު ހުރުމަށް އަންގާފައި، އަދީބް ބޭނުން ކުރަނީ ބާރުގަދަ ބޭސްކަމުން އަނބުރައިގަތުން ފަދަ ކަންތައް ދިމާވާނެކަމަށް ޑޮކްޓަރުން ވަނީ އަންގާފައި. ދެން ރޭ އަދީބް ފާހަނަތެރެއަށް ހޭނެތިގެން ވެއްޓި ބޯ ޖެހިފައިވަނީ. ޖަލު އޮފިސަރުން އަދީބްއަށް އެކަށީގެންވާ ފަރުވާ ދެވިފައި ނުވޭ އޭގެފަހުންވެސް. އެހެން ހުއްޓާ މިއަދު ހެނދުނު ނޭފަތުން ލޭއައިސް ހާލު ގޯސްވާތީ މިކޮޅަށް އެމަޖެންސީގައި ގެނައީ. މިކޮޅަސް ގެނައި އިރު ވަރަށް ބޮޑަށް ބޯ ދުޅަވެފަ ހުރީ. އަދީބްއަކަށް ނުހިނގޭ މިކޮޅަށް ގެނައިރުވެސް" ޔާމީން ކިޔާދިނެވެ.
އަދީބްގެ އާއިލާއިން އަންނަނީ އަދީބް ބޭސްފަރުވާއަށް ފުރުސަތު ދިނުމަށް ސަރުކާރަށް ގޮވާލަމުންނެވެ. އަދި މިއަދު އަދީބްއަށް ލިބެމުން ދާ އަނިޔާއަކީ ސީދާ މިނިސްޓަރ އިމްރާންގެ ޒާތީ ވެވަޑައިގެން ކުރައްވާކަމެއްކަމަށް ތުހުމަތު ކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
