އުރީދޫ އިން ޓިކްޓޮކާއެކު ޕާޓްނާޝިޕެއްގައި ސޮއިކޮށްފި
އުރީދޫ އިން ޓިކްޓޮކާއެކު ޕާޓްނާޝިޕެއްގައި ސޮއިކޮށްފިއެވެ.
ރޭ، އުރީދޫ ހެޑް ކުއާޓަރ ގައި ބޭއްވި އިވެންޓެއްގައި ވަނީ އެ ކުންފުނިން ޓިކްޓޮކަށް މަރުހަބާ ކިޔައިފައިވާކަން އިއުލާންކޮށްފައެވެ.
އުރީދޫން ބުނިގޮތުގައި، ޗައިނާގެ ބައިޓްޑާންސް ކުންފުނިން ހިންގަމުން އަންނަ މީސްމީޑިޔާ ޕްލެޓްފޯމެއް ކަމަށްވާ ޓިކްޓޮކާ އެކީ ހެދި ޕާޓްނަޝިޕްގެ ސަބަބުން އުރީދޫ ނެޓްވޯކުގައި ޓިކްޓޮކް ބޭނުންކުރާ ފަރާތްތަކަށް މިހާރަށްވުރެ ހަލުވި ސްޕީޑެއްގައި ޓިކްޓޮކް ބޭނުންކޮށް، ސްޓްރީމް ކުރެވޭނެއެވެ. އަދި ޓިކްޓޮކުގައި ކޮންޓެންޓް އުފައްދާ ޝެއަރ ކުރުމަށް ފަސޭހަވެ، ޓިކްޓޮކް ބޭނުންކުރާ ފަރާތްތަކުގެ ތަޖުރިބާ އިތުރަށް ފުރިހަމަވެ އިތުރު ފުރުސަތުތައް ހުޅުވިގެން އަންނާނެ ކަމަށްވެސް އުރީދޫއިން ވަނީ ބުނެފައެވެ.
ރޭގެ އިވެންޓުގައި އުރީދޫން ވަނީ ޓިކްޓޮކަށް ޚާއްސަ ޕެކްތަކެއްވެސް ލޯންޗްކޮށްފަ އެވެ.
ޓިކްޓޮކަކީ ދިވެހިންގެ ތެރޭގައިވެސް އެންމެ މަޤުބޫލު އެއް މީސްމީޑިޔާ ޕްލެޓްފޯމު ކަމުން އުރީދޫގެ މި ޕާޓްނާޝިޕުގެ ސަބަބުން ވަރަށް ގިނަ ކޮންޓެންޓް އުފައްދާ މީހުންނަށް ލުއި ފަސޭހަތަކެއް ލިބިގެންދާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
