ހުޅުމާލެ ދެވަނަ ފިޔަވަހީގައި ހުރި ސާފުތާހިރުކަން ކުޑަ ހަ ކެފޭއެއް ބަންދުކޮށްފި

ހުޅުމާލެ ދެވަނަ ފިޔަވަހީގައި ހުރި ސާފުތާހިރުކަން ކުޑަ ހަ ކެފޭއެއް އިމިގްރޭޝަނުން ބަންދުކޮށްފިއެވެ.

އިމިގްރޭޝަނުން އެކްސްގައި ކުރި ޕޯސްޓެއްގައި ބުނީ ގަވާއިދާ ހިލާފަށް އުޅޭ ބިދޭސީން ބަލައި ފާސްކުރުމަށް ކުރަމުންދާ މަސައްކަތުގެ ތެރެއިން، ޓާސްކު ފޯސް އިން ހުޅުމާލެ ދެވަަ ފިޔަވަހީގައި ހިންގަމުން އަންނަ 08 ކެފޭއެއް ބަލައި ފާސްކޮށްފައިވާ ކަމަށެވެ.

ފުލުހުންނާއި އިކޮނޮމިކް މިނިސްޓްރީ އާއި މޯލްޑިވްސް ފުޑް އެންޑް ޑްރަގު އޮތޯރިޓީ (އެމްއެފްޑީއޭ) އަދި ހެލްތު ޕްރޮޓެކްޝަން އެޖެންސީއިން ގުޅިގެން ކުރިއަށް ގެންދިޔަ މި އޮޕަރޭޝަން ގެ ތެރެއިން ގަވާއިދާ ހިލާފަށް ވިޔަފާރިކޮށް، ސާފުތާހިރުކަމުގެ މިންގަނޑާއި ޚިލާފަށް ހިންގާ 06 ތަނެއް ބަންދުކުރުމަށް ދީފައިވާ ކަމަށް އިމިގްރޭޝަނުން ބުނެއެވެ.

އިމިގްރޭޝަނުން ބުނީ، ސައްހަ ވިސާއެއް ނެތި މި ތަންތަނުގައި މަސައްކަތް ކުރަމުންދިއަ 04 ބިދޭސީއެއް ވަނީ އިމިގްރޭޝަން ބެލުމުގެ ދަށަށް ގެނެވިފައިވާ ކަމަށެވެ.

އެތަންތަން ބަންދު ކުރިކަމަށް އިމިގްރޭޝަނުން ހާމަކުރި ނަމަވެސް، އެ ތަންތަނުގެ ނަމެއް އިމިގްރޭޝަންގެ ނަމެއް ހާމައެއް ނުކުރެއެވެ.