މެރިކުއިޕް ލިތިއަމް ބެޓެރީ؛ ހަކަތަ ރައްކާތެރިކުރުމުގެ ދާއިރާއަށް ބޮޑު ބަދަލެއް

ސޯލާ ހަކަތައާއި ގޭގޭގައި ބޭނުންކުރާ ހަކަތަ ރައްކާކުރުމުގެ ނިޒާމުތަކަށް އަމާޒުކޮށް، ދިގު މުއްދަތަކަށް ބޭނުންކުރެވޭ އަދި ރައްކާތެރި ލިތިއަމް އަޔަން ފޮސްފޭޓް ޓެކްނޮލޮޖީގެ ބެޓެރީއެއް މެރިކުއިޕް ބްރޭންޑުން ރާއްޖޭގެ ބާޒާރަށް ވަނީ ތަޢާރަފްކޮށްފައެވެ.

މިއީ މެރިން އެކުއިޕްމަންޓްސްގެ އޮރިޖިނަލް ޕްރޮޑަކްޓެކެވެ. ރާއްޖެ ފަދަ އިރުގެ އަލިން ހަކަތަ އުފެއްދުމުގެ ފުރުޞަތު ބޮޑު ޤައުމަކަށް މި ބެޓެރީއަކީ ނުހަނު ބޭނުންތެރި އުފެއްދުމެކެވެ.

ޓެކްނޮލޮޖީ އަދި ރައްކާތެރިކަން

މެރިކުއިޕް ބެޓެރީގައި ބޭނުންކޮށްފައިވަނީ ލިތިއަމް އަޔަން ފޮސްފޭޓް  ކެމިސްޓްރީއެވެ. އާދައިގެ ލިތިއަމް އަޔަން ބެޓެރީތަކުގައި ކޮބާލްޓް ފަދަ ނުރައްކާތެރި މާއްދާތައް ބޭނުންކުރި ނަމަވެސް، މި ބެޓެރީގައި ބޭނުންކުރަނީ ފޮސްފޭޓް ބޭސްޑް ކެތޯޑެކެވެ. މި ކެމިކަލް ބައްޓަމަކީ ތަބީޢީ ގޮތުން ވެސް ވަރަށް "ސްޓޭބަލް" ބައްޓަމެކެވެ.

މި ބެޓެރީގެ އެންމެ ބޮޑު އެއް ފައިދާއަކީ "ތާމަލް ރަނަވޭ" ދިމާވުމުގެ ފުރުޞަތު ކުޑަވުމެވެ. ތާމަލް ރަނަވޭއަކީ ބެޓެރީ ކޮންޓްރޯލް ނުވެ މާބޮޑަށް ހޫނުވެ، އޭގެ ސަބަބުން އަލިފާނުގެ ހާދިސާއެއް ހިނގުމަށް މެދުވެރިވާ ހާލަތެވެ.

މީގެ އިތުރުން، މީގައި އެކުލެވޭ މާއްދާތަކަކީ ވިހަ ނޫން މާއްދާތަކަކަށް ވުމުން، ގޭގެއާއި މީހުން ދިރިއުޅޭ ތަންތަނުގައި ބެހެއްޓުމަށް މިއީ ތިމާވެށީގެ ގޮތުންނާއި ސަލާމަތީ ގޮތުން އެންމެ އެކަށީގެންވާ އެއް ޗޮއިސެވެ.

ދިގު އުމުރާއި ބޭނުންކުރެވޭ މުއްދަތު

މެރިކުއިޕް ބެޓެރީގެ އެންމެ ފާހަގަކޮށްލެވޭ ސިފައަކީ އޭގެ "ސައިކަލް ލައިފް" އެވެ. މި ބެޓެރީން 6,000 އަށް ވުރެ ގިނަ ސައިކަލް ލިބެއެވެ. 6,000 ސައިކަލްގެ މާނައަކީ ބެޓެރީގެ އަސްލު ކެޕޭސިޓީގެ 80 އިންސައްތައަށް ދަށްވުމުގެ ކުރިން، 6,000 ފަހަރު ބެޓެރީ އެއްކޮށް ޗާޖުކޮށް ޑިސްޗާޖު ކުރެވޭނެ ކަމެވެ.

ސޯލާ ސިސްޓަމްތަކުގައި ދުވާލަކު އެއްފަހަރު ބެޓެރީ ޗާޖުކޮށް ރޭގަނޑު ބޭނުންކުރާ ނަމަ، މި ބެޓެރީ ޢާންމުކޮށް 15 އަހަރާއި 20 އަހަރާ ދެމެދުގެ މުއްދަތަކަށް ބޭނުންކުރެވޭނެއެވެ. މެރިކުއިޕް ބެޓެރީ ފަރުމާކޮށްފައިވަނީ 20 އަހަރުގެ "ޑިޒައިން ލައިފް" އަކަށެވެ.

ލެޑް-އެސިޑް ބެޓެރީއާ ހުރި ތަފާތު

ޒަމާނީ ލެޑް-އެސިޑް ބެޓެރީތަކާ އަޅައިބަލާއިރު، މެރިކުއިޕް ލިތިއަމް ބެޓެރީގެ ފަރަގު ވަރަށް ބޮޑެވެ. ލެޑް-އެސިޑް ބެޓެރީތައް ޢާންމުކޮށް ދެމިހުންނަނީ 300 އާއި 800 އާ ދެމެދުގެ ސައިކަލްތަކަކަށެވެ. އެހެންކަމުން، 6,000 ސައިކަލްގެ ލިތިއަމް ބެޓެރީއަކީ އާދައިގެ ބެޓެރީއަށްވުރެ އެތައް ގުނައެއް ފައިދާހުރި، އިތުބާރު ހިފޭ އަދި ދިގު މުއްދަތަކަށް ބަލާއިރު ޚަރަދު ކުޑަ އިންވެސްޓްމަންޓެކެވެ.

ދިވެހިރާއްޖެ ފަދަ ކަރަންޓުގެ ޚަރަދު ބޮޑު ޤައުމެއްގައި ސޯލާ ޕެނެލްތަކާ އެކު މި ފަދަ ބެޓެރީ ސިސްޓަމެއް ބޭނުންކުރުމުން ކަރަންޓު ބިލް ވަރަށް ބޮޑަށް ކުޑަކުރެވޭނެއެވެ. ދުވާލުގެ ވަގުތު ސޯލާ ޕެނެލުން އުފެދޭ ހަކަތައިން ގޭގެ ބޭނުންތައް ފުއްދައި ބާކީ ހަކަތަ ބެޓެރީގައި ރައްކާކުރެވެއެވެ. ހަވީރާއި ރޭގަނޑު ބެޓެރީގައި ރައްކާކުރި ހަކަތަ ބޭނުންކޮށް ޕީކް ރޭޓުގައި ގްރިޑުން ކަރަންޓު ގަތުން ހުއްޓާލެވެއެވެ. ކަރަންޓު ކެނޑޭ ޙާލަތުގައި އިންވާޓަރުގެ އައިލެންޑިން ފީޗާ މެދުވެރިކޮށް ބެޓެރީން ގޭގެ މުހިންމު ލޯޑުތަކަށް ކަރަންޓު ދެވެއެވެ.

މެރިކުއިޕްގެ މި ބެޓެރީ ލިބެން ހުންނާނީ މާލޭ ކަނބާ އައިސާ ރަނި ހިނގުން މަގުގައި ހުންނަ މެރިން އިޗުއިޕްމަންޓްސް ޝޯވްރޫމް އިންނެވެ. އެ ތަނުން ލިބެން ހުންނަ ތަކެތީގެ މައުލޫމާތު www.meq.mv ލިބޭނެއެވެ.