ކޯޓަށް ހާޒިރުކުރުމަށްޓަކައި މީހަކު ހޯދަން ފުލުހުން އިއުލާނުކޮށްފި
ކޯޓަށް ހާޒިރުކުރުމަށްޓަކައި މީހަކު ހޯދަން ފުލުހުން އިއުލާނުކޮށްފިއެވެ.
މިގޮތުން ފުލުހުން އިއުލާނުކޮށްފައިވަނީ ގދ. ވާދޫ/ ޞަބާޙީމަންޒިލް، އިޒާމް ޒާހިރު (26އ) އެވެ.
ފުލުހުން ބުނީ،އިޒާމް ޒާހިރު ހޯދަމުންދަނީ އޭނާގެ މައްޗަށް އުފުލާފައިވާ ދައުވާއަކާ ގުޅިގެން ކްރިމިނަލް ކޯޓުގައި ކުރިއަށް އަޑުއެހުންތަކަށް ހާޒިރުވަމުން ނުދާތީ އާއި ބަންދުގައި ބަހައްޓައިގެން ކޯޓަށް ހާޒިރުކުރުމަށްޓަކައި އެކި ފަހަރުމަތިން ކުރެވެނު މަސައްކަތުން އޭނާ ކޯޓަށް ހާޒިރުކުރެވިފައިނުވާތީކަމަށެވެ.
ހަމައެއާއިއެކު، އޭނާ ހޯދުމަށްޓަކައި އެކިފަހަރުމަތިން ފުލުހުން ކުރި މަސައްކަތުން އުޅޭ ވަކިތަނެއް އަދި މިހާތަނަށް ހޯދިފައިނުވާކަން ވެސް ފުލުހުން ވަނީ ފާހަގަކޮށްފައެވެ.
މިއާއިއެކު ފުލުހުން ވަނީ އިޒާމް ޒާހިރުއާ ބެހޭ އެއްވެސް މައުލޫމާތެއް ލިބިފައިވާނަމަ ގދ. ވާދޫ ޕޮލިސް ސްޓޭޝަންގެ ނަންބަރު 9960159 އަށް ގުޅުއްވައި ހިއްސާކުރުމަށް އެދިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
