ކައުންސިލް އިންތިޚާބު އަންނަ އަހަރުގެ އެޕްރީލް މަހުގެ 4ވަނަ ދުވަހު!
ލޯކަލް ކައުންސިލްތަކުގެ އިންތިޚާބު އަންނަ އަަހަރުގެ އެޕްރީލް މަހުގެ ހަތަރުވަނަ ދުވަހު ބޭއްވުމަށް ނިންމައިފިއެވެ.
މި އިންތިޚާބު އެ ދުވަހު ބޭއްވުމަށް ތާވަލްކޮށްފައިވާކަން އިލެކްޝަންސް ކޮމިޝަނުން ކުރި ޓްވީޓެއްގައި ވަނީ ހާމަކޮށްފައެވެ.
މީގެ ކުރިން އޮތް ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން އިލެކްޝަންސް ކޮމިޝަންގެ ރައީސް އަހުމަދު ޝަރީފް ވިދާޅުވީ މިފަހަރުގެ އިންތިޚާބުގެ އިންތިޒާމްތައް ރަނގަޅުކުރުމަށް ގިނަ މަސައްކަތްތަކެއް ކުރަމުން އަންނަ ކަމަށެވެ.
އެގޮތުން ވޯޓު ފޮށިތަކުގެ އަދަދު އިތުރުކޮށް، ފޮއްޓަކަށް އެންމެ ގިނައިން ލެވޭނެ ވޯޓުގެ އަދަދަކީ 700 އަށް ހެދުމަށް މަޝްވަރާ ކުރަމުންދާކަަމަށް އީސީގެ ރައީސް ވަނީ ހާމަކުރައްވާފައެވެ.
މި އިންތިޚާބުގައި ގިނަ އޮފިޝަލުންވެސް ހަރަކާތްތެރިވާނެ އިރު، މުޅި އިންތިޚާބަށް 65 އާއި 70 މިލިއަން ރުފިޔާ ދެމެދުގެ އަދަދެއް ހަރަދުވާނެ ކަމަށް ވަނީ ލަފާކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
