ފެކަލްޓީ އޮފް ހެލްތު ސައިންސް މޮޅުވިއިރު، މިއާންޒަށް ތަފާތު ނަތީޖާއެއް

މިހާރު ކުރިއަށްދާ ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2026 ގައި ރޭ، ފެކަލްޓީ އޮފް ހެލްތު ސައިންސް މޮޅުވިއިރު، މިއާންޒު ކޮލެޖް ކުޅުނު މެޗް ތަފާތު ބޮޑު ނަތީޖާއަކުން އެޓީމް ކާމިޔާބުކޮށްފިއެވެ.

މުބާރާތުގައި ރޭ ހެލްތް ސައިންސް ނިކުތީ، ޝަރީއާ އެންޑް ލޯ އާ ދެކޮޅަށެވެ. މިމެޗް ހެލްތު ކާމިޔާބުކުރީ 5-2  ނަތީޖާ އަކުންނެވެ. މިމެޗްގައި ހެލްތް ސައިންސަށް ގޯލްތައް ކާމިޔާބުކޮށްދިނީ އަބުދުއް ޝުކޫރު، އަހުމަދު ލައްމާހް އަދި ވިޝާހް އަހުމަދެވެ. މެޗްގައި ވިޝާހް އަދި ލައްމާހް މިއިން ކޮންމެ ކުޅުންތެރިއަކު ވަނީ ދެ ލަނޑު ޖަހާފައެވެ. ޝަރީއާ އެންޑް ލޯއަށް ގޯލްތައް ކާމިޔާބުކޮށްދިނީ، ޖަޒްލާން އަދި ސައްޔާފް އެވެ.

މޯލްޑިވްސް ޕޮލިޓެކްނިކާއި، މިއާންޒު ކޮލެޖް ބައްދަލުކުރިމެޗް މިއާންޒުން ކާމިޔާބުކުރީ، 15-1 ގެ ނަތީއްޖާއަކުންނެވެ. މެޗްގައި މިއާންްޒަށް ގޯލް ހުޅުވާލަދިނީ، މެޗް ފަށައިގެން އަށްވަނަ މިނެޓް ތެރޭގައި އިސްމާއީލް އަޒްހާނެވެ. މެޗްގައި ދެން މިއާންޒަށް ގޯލްތައް ކާމިޔާބުކޮށްދިނީ، އަހުމަދު ޝަޒީމް، މުހައްމަދު މިންވާލް، މުހައްމަދު މާކިން، އަދި އަނަސް އަދުނާނެވެ.

މެޗްގައި މިންވާލް ހަ ލަނޑު ޖެހިއިރު، އަނަސް ހަތަރު ލަނޑު ޖެހިއެވެ. އަދި އަޒުހާން މާކިން މިއިން ކޮންމެ ކުޅުންތެރިއަކު ވަނީ ދެ ލަނޑު ޖަހާފައެވެ.

މެޗްގެ މޮޅު ކުޅުންތެރިޔާގެ މަގާމް ހޯދީ ހަ ލަނޑު ކާމިޔާބުކޮށްދިން މިންވާލެވެ. މެޗްގެ މޭންއޮފް ދަ މެޗްގެ އެވޯޑާއެކު މިންވާލަށް ވަނީ އިނާމުގެ ގޮތުގައި އީޒެޕްހގެ ވައުޗަރާއި، ތޫލްގެ ގިފްޓްޕެކް ދީފައެވެ.