ވިލިމާލެ ހޮސްޕިޓަލުގައި ސީ އެމްބިޔުލާންސްގެ ޚިދުމަތް ފަށައިފި
ރައީސް ޑރ. މުހައްމަދު މުއިއްޒުގެ ސަރުކާރުން ވިލިމާލޭ ހޮސްޕިޓަލުގައި ސީ އެންބިޔުލާންސްގެ ޚިދުމަތް މިއަދު ފަށައިފިއެވެ.
ވިލިމާލެ ހޮސްޕިޓަލާއި ، ދަރުމަވަންތަ ހޮސްޕިޓަލާއި ދެމެދު ސީ އެންބިޔުލާންސްގެ ޚިދުމަށް ފެށުމުގެ ރަސްމިއްޔާތު އޮތީ މިއަދު ހެދުނު ވިލިމާލެ ހޮސްޕިޓަލުގައެވެ.
މި އަދުގެ މި ރަސްމިއްޔާތުގައި ސީ އެމްބިޔުލާންސްގެ ރަމުޒީ ތަނޅުދަނޑި ދަރުމަންތަ ހޮސްޕިޓލަގެ ސީއީއޯ އާއި ހަވާލުކޮށްދެއްވީ މިނިސްޓްރީ އޮފް ޓްރާންސްޕޯރޓް އެންޑު ސިވިލް އޭވިއޭޝަން އަލްފާޟިލް މުހައްމަދު އަމީނެވެ.
މި އެމްބިޔުލާންސްގެ ސަބަބުން ވިލމާލެ ހޮސްޕީޓަލުން އެމެޖެންސީ ހާލަތުގައި މާލެ ގެންނަށް ޖެހޭ ފަރާތްތަކަށް ވަރަށް ބޮޑު ލުޔެއް ލިބިގެންދާނެކަމަށް ހެލުތު މިނިސްޓަރ ޑރ. ޢަބުދުالله ޚަލީލު ވިދާޅުވިއެވެ.
މިއަދު ވިލމާލެ ހޮސްޕިޓަލާއި މި ހަވާލުކުރެވުނު ސީ އެމްބިޔުލާސްއަކީ މިހާރު ބޭނުންކުރަމުންގެންދާ ސީ އެމްބިޔުލާންސްތަކަށް ވުރެ ހުރިހާ ގޮތަކުންވެސް ފުރިހަމަ ޖާގަ ތަނަވަސް އުޅަނދެއްކަމަށް މިނިސްޓަރ ވިދާޅުވިއެވެ.
މިއަދު މި ހަވާލުކުރެވުނު ސީ އެމްބިޔުލާންސް ބޭއްވުމަށް ހަމަޖެހިފައިވަނީ މާލޭސިޓީ ކައުންސިލްގެ އެހީތެރިކަމާއިއެކު ވިލިމާލެ ފަޅުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
