ބަންގްލަދޭޝް ސަރުކާރުގެ އިލްތިމާސް: ބަންގްލަދޭޝް މީހުން ރާއްޖެއަށް ނުދާތި!
ބަންގްލަދޭޝްގެ މަސައްކަތު މީހުން ދިވެހިރާއްެޖެއަށް ނުދިޔުމަށް އެގައުމުގެ ސަރުކާރުން އިލްތިމާސްކޮށްފިއެވެ.
އެގައުމުގެ ބޭރުގައި ވަޒީފާ އަދާކުރާ ފަރާތްތަކާއި ބެހޭ މިނިސްްޓްރީގެ އޮފިޝަލަކާއި ހަވާލާދީ ނިއުއޭޖް ނޫހުން ރިޕޯޓްކުރާ ގޮތުގައި ރާއްޖޭގައި ހުންނަ ބަންގްލަދޭޝްގެ ހައިކޮމިޝަންގެ އެދުމުގެ މަތިން ރާއްޖޭގައި ވަޒީފާ އަދާކުރުމަށް ހިޖުރަކުރުން ހުއްޓުވުމަށް ވަނީ ބައެއް ހަރުކަށި އުސޫލުތައް އެކުލަވާލާފައެވެ.
މިގޮތަށް އަމަލުކުރަން ޖެހުނީ ދިވެހިރާއްޖޭގައި ވަޒީފާ ނެތްމީހުންގެ އަދަދު އިތުރުވަމުންދާތީކަމަށް އެ އޮފިޝަލް ވަނީ ފާހަގަކުރައްވާފައެވެ.
ރާއްޖޭގައި ވަޒީފާ އަދާކުރަމުންދާ ބަންގްލަދޭޝްގެ އެތައް ބަޔެއްގެ ވަޒީފާތައް ގެއްލިފައިވާކަމަށް އެ ނޫހުން ވަނީ ރިޕޯޓްކޮށްފައެވެ.
"ވަޒީފާ ހޯދައިދޭ އެޖެންސީތަކުން އެބަޖެހޭ މީހުން އެތަނަށް ފޮނުވުމުން ދުރުވާން"، މިނިސްޓްރީގެ އޮފިޝަލް ވިދާޅުވިއެެވެ.
ފާހަގަކޮށްލެވޭ ގޮތުގައި އިމިގްރޭޝަނުން ވަނީ ދާދި ފަހުން ގަވާއިދާ ހިލާފަށް އުޅުނު 69 ބިދޭސީ އަކު ހައްޔަރުކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
