ކޮންޓްރެކްޓަރުންނަށް ފައިސާ ނުދީގެން ހުއްޓިފައިވާ 64 މަޝްރޫއެއް އަލުން ފެށިއްޖެ: ރާފިޢު
ނިމިދިޔަ އިބުރާޙިމް މުޙައްމަދު ޞާލިހްގެ ސަރުކާރުން ކުރިއަށް ގެންދަން ފަށާ، ކޮންޓްރަކުޓަރުންނަށް ފައިސާ ނުދިނުމުގެ ސަބަބުން ، ހުއްޓިފައި ހުރި މަޝްރޫއުތަކުގެ ތެރެއިން ކޮންޓްރަކުޓަރުންނަށް ދައްކަށް ޖެހޭ ފައިސާ ދައްކާ މިހާތަނަށް 64 މަޝްރޫޢުއެއް ފެށިފައިވާ ކަމަށް ސްޕޯޓްސް މިނިސްޓަރު އަބްދުالله ރާފިޢު މިއަދު ވިދާޅުވެއްޖެއެވެ.
މިނިސްޓަރ މިފަދައިން ވިދާޅުވެފައިވަނީ އެމިނިސްޓްރީގެ ފަރާތުން ގެންދިޔަ ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުންނެވެ.
މިއަދުގެ ބައްދަލުވުމުގައި ދަޢުލަތުން ކޮންޓްރަކުޓަރުންނަށް ދެއްކި ފައިސާގެ ތަފްސީލް ދެއްވަމުން ވިދާޅުވީ މިހާރު ކުރިއަށްދާ މަޝްރޫއުތަކުގެ ތެރެއިން ހުއްޓިފައި ހުރި މަޝްރޫއުތަކަށް ބިލުކޮށްފައި ހުރި 160 މިލިއަން ރުފިޔާގެ ތެރެއިން 125 މިލިއަން ރުފިޔާ ދައްކައި ނިންމާފައިވާ ކަމަށެވެ.
"ދަރަނީގެ އެއް ބަޔަކީ ސަޕްލިމެންޓްރި ބަޖެޓުން ހަމަޖެއްސި ބައެއް. އަނެއްބައި 2024 ވަނަ އަހަރުގެ ބަޖެޓުން ވެސް ވަނީ ހަމަޖެހިފައި،" މިނިސްޓްރީން ދެއްކެވި ފައިސާގެ ތަފްސީލް ދެއްވަމުން މިނސްޓަރ ވިދާޅުވިއެވެ.
މިނިސްޓްރީގެ ފަރާތުން މިއަދުގެ ނޫސްވެރިންގެ ބައްދަލުވުމުގައި މިފަދައިން ވިދާޅުވެފައިވާ އިރު ނިމިދިޔަ ސަރުކާރުން ރާއްޖޭގައި ކުޅިވަރާއި ގުޅުންހުރި ގިނަ މަޝްރޫޢުތައް ފަށާފައިވެއެވެ.
ނަމަވެސް އެ މަޝްރޫޢުތަކުގެ ތެރެއިން ވަރަށް ގިނަ މަޝްރޫޢުތައް ވަކި ހިސާބަކުން ހުއްޓާލާފައިވާ ކަމަށް އެފަދަ މަސައްކަތްތައް ކުރިއަށް ގެންދިޔަ ރަށްރަށުން އޭރުވެސް ބުނަމުން ގެންގޮސްފައި ވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
