ވާރޭވެހި މާލޭގައި ފެންބޮޑުވުން: ސިފައިން ފެން ހިންދަނީ، ފުލުހުން މަގުމަތި ބެލެހެއްޓުމުގައި
ލިޔުންތެރިޔާ
އަހުމަދު ހަމީދު އާދަމް
މާލެއަށް ބޯކޮށް ވާރޭވެހި ބޮޑު ސަރަަހައްދެއްގައި ފެންބޮޑުވެއްޖެ އެވެ.
މިރޭ ދެ ގަޑިއެއްހާ އިރަށް މާލެއަށް ވަރަށް ބޯކޮށް ވާރޭވެހުނެވެ. ބޯކޮށް ވާރޭވެހުމުން ވަރަށް ބޮޑު ސަރަހައްދެއްގައި ފެންބޮޑުވި އެވެ.
އެމްއެންޑީއެފުން ވަނީ ފަސް ސަރަހައްދެއްގައި ޕަންޕު ބަހައްޓައިގެން ފެން ހިންދުމުގެ މަސައްކަތް ކޮށްފަ އެވެ. އެއީ އެންމެ ބޮޑަށް ފެންބޮޑުވެފައިވާ ސަރަހައްދެވެ.
މީގެ އިތުރުން ފެންބޮޑުވެ ގެތަކަށް ފެންވަންނާތީ ވެލިބަސްތާ ޖެހުމުގައި ވެސް ސިފައިން ވަނީ ހަރަކާތްތެރިވެފަ އެވެ.
ފުލުހުން ވެސް ބުނީ މާލެއަށް ބޯކޮށް ވާރޭ ވެހި ފެންބޮޑުވުމާ ގުޅިގެން އެ ހިދުމަތުން ދަނީ ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށް ހަރަކާތްތެރިވަމުން ކަމަށެވެ.
މިގޮތުން ކުއްލި ހާލަތްތަކުގައި އަވަސް ފިޔަވަޅު އެޅޭނެ އިންތިޒާމުތައް ވެސް ވަނީ ހަމަޖެހިފައި ކަމަށް ބުންޏެވެ. މަގުތަކުގައި ވަރަށް ބޮޑަށް ފެންބޮޑުވެފައިވާތީ ފުލުހުން ދަނީ މަގުތަކުގައި ވެސް ހަރަކާތްތެރިވަމުންނެވެ.
އިއްޔެއާ ރޭ ވެސް މާލެއާ އަތޮޅުތެރޭގެ ބައެއް ރަށްރަށަށް ބޯކޮށް ވާރޭވެހުނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
