ރައީސުލްޖުމްހޫރިއްޔާ ޑރ.މުއިއްޒު، އަބްދުލްކަރީމްގެ އާއިލާއަށް ތަޢުޒިޔާ ފޮނުއްވައިފި

ޞިއްޙީ ދާއިރާއަށް ގިނަ ޚިދުމަތްތަކެއް ކުރައްވާފައިވާ، ހ. ސެންޓާލަމް, ޢަބްދުލްކަރީމް އާދަމް ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އަބްދުލްކަރީމްގެ އާއިލާއަށް ތަޢުޒިޔާ ފޮނުއްވައިފި އެވެ.

ރައީސް ޑރ. މުޢިއްޒު އެކްސްގައި ހިއްސާކުރެއްވި ޕޯސްޓެއްގައި ވިދާޅުވެފައި ވަނީ، ޞިއްޙީ ދާއިރާއަށް 47 އަހަރަށް ވުރެ ދިގު މުއްދަތަކަށް ޚިދުމަތް ކޮށްދެއްވާފައިވާއިވާ ހިދުމަތްތެރި ބޭފުޅެއްކަމަށެވެ.

ރައީސް ވިދާޅުވީ ރާއްޖޭގެ ޞިއްޙީ ޚިދުމަތުގެ ދާއިރާއަށް ގެއްލިގެން އެ ދިޔައީ  ވޭތުވެދިޔަ ބައި ގަރުނަށް ވުރެ ގިނަ ދުވަހު އައި ބަދަލުތައް ގާތުން ދެކެވަޑައިގެންނެވި، ތަޖުރިބާކާރު ބޭފުޅެއްކަމަށެވެ. އަދި އެންމެންގެ ލޯތްބާއި އިޙްތިރާމް ލިބިވަޑައިގެން ހުންނެވި ނަމޫނާ ޝަޚްޞިއްޔަތެއްކަން ފާހަގަކުރައްވަމުން ރައީސް ވަނީ އަބްދުލްކަރީމަކީ ދިވެހި ދަޢުލަތަށް ދިގު މުއްދަތަކަށް ޚިދުމަތްކުރެއްވުމުގެ އިނާމު ލިބިވަޑައިގެންފައިވާ ޝަރަފްވެރިއެއްކަން ފާހަގަކުރައްވާފައެވެ.

އަބްދުލްކަރީމް ނިޔާވެފައިވަނީ އާލާސްކަންފުޅާ އުޅުއްވާތާ ގިނަދުވަސްތަކެއްވީފަހުން ރޭގެ ވަގުތެއްގައެވެ. ނިޔާވިއިރު އަބްދުލްކަރީމްގެ އުމުރުފުޅަކީ 80 އަހަރެވެ.