"އެހީ އިފްޠާރް" ޕެކޭޖަށް ތަކެތީގެ އެހީތެރިކަމާއި ފައިސާގެ އެހީތެރިން ފޯރުކޮށްދިނުމުގެ ފުރުސަތު!

"އެހީ ޖަމިއްޔާ"ގެ ފަރާތުން ރަމަޟާން މަހާއި ދިމާކޮށް ކުރިއަށްގެންދާ "އެހީ އިފްޠާރް" ސުފުރާއަށް ތަކެއްޗާއި ފައިސާގެ އެހީތެރިކަން ފޯރުކޮށްދިނުމުގެ ފުރުޞަތު  ހުޅުވާލެވިފައިވާކަމަށް އެޖަމިއްޔާއިން ބުނެއެވެ.

އެހީ ޖަމިއްޔާއިން ބުނީ، މިފަހަރުގެ އިފްތާރު ޕެކޭޖެއްގެ އަގަކީ 45 ރުފިޔާ ކަމަށެވެ. އެގޮތުން އިފްތާރު ޕެކޭޖަށް ފައިސާ މެދުވެރިކޮށް އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށް އެދިފައިވެއެވެ.

އެކައުންޓް: 7770000014820

ނަން: EHEE JAMIYYA

ބޭންކް: BML ISLAMIC

އެހީ ޖަމިއްޔާއިން އިތުރަށް ބުނީ، އިފްޠާރު ޕްރޮގްރާމް މާލޭގެ އިތުރުން ރާއްޖޭގެ ބައެއް އެހެން ރަށްރަށުގައިވެސް ކުރިއަށްގެންދިއުމުގެ ފުރުސަތު ހުޅުވާލެވިފައި އޮތްކަމަށެވެ. އެގޮތުން މިދިޔަ އަހަރުވެސް 9 ރަށެއްގައި 25 މިސްކިތެއްގައި އެ ޕްރޮގްރާމް ކުރިއަށް ގެންގޮސްފައިވާއިރު، 21,000 އެއްހާ ޕެކޭޖް ބަހާފައިވާ ކަމަށް އެޖަމިއްޔާއިން މައުލޫމާތު ދެއެވެ.

އަދި މި އަހަރުވެސް ރަށް ރަށުގައި އިފްތާރު ޕެކޭޖު ބެހުމުގެ ފުރުސަތު ހުޅުވާލެވިފައިވާ އިރު، އެކަމާއި ގުޅޭ އިތުރު މައުލޫމާތު ބޭނުންނަމަ، 7803433 ނަމްބަރުން އެމައުލޫމާތު ލިބޭނެ ކަމަށާއި ތަކެތި ހަދިޔާ ކުރަން ބޭނުންވާ ނަމަވެސް އެނަމްބަރަށް ގުޅައިގެން އެކަން ހަމަޖެހޭނެ ކަމަށްވެސް އެޖަމިއްޔާއިން ބުނެފައިވެއެވެ.

ރޯދަ ވެރިޔަކަށް ރޯދަ ވިއްލާނެ ފަދަ ޞަދަޤާތް ކުރުން ނުވަތަ ރޯދަ ވީއްލުން ދިނުމަކީ އެކަމުގެ ޘަވާބާއި ދަރުމަ ހުރި ކަމަކެވެ.

މާތް ނަބިއްޔާ ޞައްލަالله ޢަލައިހި ވަސައްލަމްގެ ޙަދީޘް ބަސްފުޅެއްގައި ވަނީ (مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا ) "رواه الترمذي، 807 وقال هذا حديث حسن صحيح" މާނައީ: " ރޯދަވެރިޔަކަށް ރޯދަވީއްލުން ދީފި މީހަކަށް އެ ރޯދަވެރިޔާއަށް ލިބޭ ސަވާބާއި ދަރުމަ އެ ރޯދަވީއްލުން ދިން މީހާއަށް ވެސް ލިބޭ ހުއްޓެވެ. އެއީ އަނެކާގެ އަޖުރުން އެއްވެސް ބައެއް އުނިވުމެއް ނެތިއެވެ."