50 ރަށެއްގައި ޗައިނާގެ އެހީގައި ކައުންސިލް އިދާރާތައް އަޅަން އެއްބަސްވުން ހަދައިފި
ލިޔުންތެރިޔާ
އަހުމަދު ހަމީދު އާދަމް
ކައުންސިލް އިދާރާތަކުގެ އައު އޮފީސްތައް ޒަމާނީ ފެންވަރަށް އިމާރާތް ކުރުމަށްޓަކައި ލެޓާ އޮފް އެކްސްޗޭންޖު ގައި މިއަދު ސޮއިކޮށްފި އެވެ.
ރާއްޖޭގެ އެކި ރަށްރަށުގައި ހުރި ދުވަސްވީ އަދި ޖާގައިގެ ދަތިކަންހުރި ކައުންސިލް އިމާރާތްތަކުގެ މައްސަލަ ހައްލުކުރުމަށް ކައުންސިލް އިދާރާތަކުގެ އައު އޮފީސްތައް ޒަމާނީ ފެންވަރަށް އިމާރާތް ކުރުމަށްޓަކައި ޗައިނާ ސަރުކާރުގެ އެހީގެ ދަށުން ކުރިއަށް ގެންދިއުމަށް ހުށަހަޅާފައިވާ ލެޓާ އޮފް އެކްސްޗޭންޖުގައި އިމާރާތްކުރުމާއި، ގެދޮރުވެރިކަމާއި ބިނާރާ ބެހޭ ވުޒާރާގެ ފަރާތުން ސޮއި ކުރެއްވީ މިނިސްޓަރު، ޑރ. އަބްދުﷲ މުއްތަލިބް އެވެ.
ޗައިނާ ސަރުކާރުގެ ފަރާތުން ސޮއި ކުރެއްވީ ޗައިނާއިން ދިވެހިރާއްޖެއަށް ކަނޑައަޅުއްވާފައިވާ ސަފީރު ކޮންގް ޒިއަންހުއާ އެވެ.
ގެދޮރުވެރިކަމާއި ބިނާރާ ބެހޭ ވުޒާރާ އިން ބުނީ މި މަޝްރޫއު ދަށުން 50 ކައުންސިލް އިމާރާތެއް ޑިޒައިންކޮށް އިމާރާތް ކުރާނެ އެވެ.
މިއީ މަޝްރޫއުގެ ދަށުން ދެ ބާވަތެއްގެ ކައުންސިލް އިދާރާ އިމާރާތް ކުރާނެ އެވެ. އެ ގޮތުން އެއް ބާވަތުގެ 30 އިމާރާތް އަދި އަނެއް ބާވަތުގެ 20 އިމާރާތް އަޅާނެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
